ప్రపంచ వ్యాప్తంగా కొన్ని సినిమాలు ఎన్ని సీక్వెల్స్ వచ్చినా మంచి ఆదరణ ఉంటుంది. హాలీవుడ్ లో జేమ్స్ బాండ్, బ్యాట్స్ మాన్, స్పైడర్ మ్యాన్ ఇలాంటి సినిమాలు ఎన్ని సీక్వెల్స్ వచ్చినా వాటికి ఉండే క్రేజ్ వేరు.  తాజాగా  "స్పైడర్ మ్యాన్ హోమ్ కమింగ్" ప్రపంచ వ్యాప్తంగా రిలీజ్ కాబోతుంది.  ఇక తెలుగు వర్షన్ లో జూలై 7న "స్పైడర్ మ్యాన్ హోమ్ కమింగ్" విడుదల జూలై 7న ఈ సినిమా ని తెలుగు రాష్ట్రాల్లో డైరెక్టు తెలుగు సినిమాలానే భారీ స్థాయిలో విడుదల చేసేందుకు సన్నాహాలు చేస్తున్నట్లుగా సోనీ సంస్థ ప్రతినిథులు ప్రకటించారు.

చిన్నప్పుడు స్పైడర్ మ్యాన్ కార్టులు వచ్చాయి..తర్వాత యానిమేషన్..ఆ తర్వాత సినిమా వచ్చింది.   ముఖ్యంగా చిన్న‌పిల్ల‌ల‌కి హీరో అంటే స్పైడ‌ర్‌మెన్ మాత్ర‌మే గుర్తుంటాడు. మెరుపు వేగంతో దూసుకుపోతూ, చాలా సింపుల్ గా పవర్ ఫుల్ విలన్స్ ఆట కట్టించే ఈ సూపర్ హీరోకి ప్రపంచవ్యాప్తంగా ఫ్యాన్స్ ఉన్నారు.  ఇండియాలో కూడా స్పైడీకి కోట్లకొద్దీ ఫ్యాన్స్ ఉన్నారు. హిందీతో పాటు తెలుగు, తమిళ, కన్నడ, మళయాలీ భాషల్లో స్పైడర్ మ్యాన్ సినిమాలు అనువాదం అయ్యి ఘ‌న‌విజ‌యాలు సాధిస్తున్న విష‌యం  తెలిసిందే.  

ఈ నేపథ్యంలో ఇటీవలే స్పైడర్ మ్యాన్ సిరీస్ లో మరో కొత్త సినిమా తెరకెక్కింది. స్పైడర్ మ్యాన్ హోమ్ కమింగ్ అనే టైటిల్ తో రాబోతున్న ఈ సినిమా కోసం ప్రపంచవ్యాప్తంగా స్పైడీ అభిమానులు ఆసక్తిగా ఎదురుచూస్తున్నారు. తెలుగులో కూడా ఈ సినిమా విడుదల కాబోతుంది. ఇప్పటికే విడుదలైన స్పైడర్ మ్యాన్ ఇంగ్లీష్ ట్రైలర్ కు సోషల్ మీడియాలో ఫుల్ క్రేజ్ వచ్చేసింది. మార్వెల్ కామిక్స్, కొలంబియా పిక్చర్స్ సంయుక్తంగా తెరకెక్కించిన ఈ సినిమాను సోనీ పిక్చర్స్ వారు డిస్ట్రీబ్యూట్ చేస్తున్నారు. 

ఇక ఈ చిత్రంలో స్పైడర్ మ్యాన్ పాత్రలో కొత్త హీరో థామస్ స్టాన్లే హాలాండ్ నటిస్తున్నాడు, ప్రతినాయకునిగా అకాడమీ అవార్డ్ విన్నర్, బర్డ్ మ్యాన్ ఫేమ్ మిచెల్ కీటన్ నటిస్తున్నాడు, అలానే ఈ సినిమాకి సరికొత్త క్రేజ్ తీసుకొచ్చిన ఐరన్ మ్యాన్ పాత్రలో రాబర్డ్ డౌనీ జూనీయర్ నటిస్తున్నాడు. ఈ సారి తెలుగు ప్రేక్ష‌కుల్ని ఆక‌ట్టుకునేలా అన్ని హంగుల‌తో జులై 7న ప్రేక్ష‌కుల ముందుకు అత్య‌దిక దియోట‌ర్స్ లో వ‌స్తుంది.