ప్రపంచంలో టెలివిజన్ రంగంలో ఎంతో పాపులర్ అయిన రియాల్టీ షో ‘బిగ్ బాస్’ మొట్ట మొదటి సారిగా తెలుగు బుల్లితెరపై వస్తుంది. ఈ షో మొదట్లో పెద్దగా ఆకర్షించకపోయినా..ఒక్కొక్కరూ ఎలిమినేట్ అవుతున్న తీరు..కొన్ని ట్విస్టులు, కంటెస్టంట్ల మద్య గొడవలు, బుజ్జగింపులు ఇలాంటి వాటితో షో కాస్త రసవత్తరంగా సాగుతుంది.
సంపూర్ణేష్ బాబు మానసిక పరిస్థితి బాగాలేక అర్థాంతరంగా షో నుంచి వెళ్లిపోయారు. ఇక ఎన్టీఆర్ శని, ఆదివారాల్లో చేస్తున్న సందడి అంతా ఇంతా కాదు..ఇక గత వారం బిగ్ బాస్ షో లో డబుల్ ధమాకా అంటూ కత్తి మహేష్, కల్పన ఎలిమినేట్ అయ్యారు. వీరి స్థానంలో వైల్డ్ కార్డు ఎంట్రీగా యువ హీరో నవదీప్ ఎంట్రీ ఇచ్చాడు. ఇప్పటికే వైల్డ్ కార్డ్ ఎంట్రీ తో హాట్ బ్యూటీ దీక్షా పంత్ ఎంట్రీ ఇచ్చింది. ఎన్టీఆర్ మొదటిసారి హోస్ట్ గా చేస్తున్న బిగ్ బాస్ షో రేటింగ్స్ మెల్లగా పరుగులు తీస్తున్నాయి.
తారక్ వచ్చేది కేవలం రెండు రోజులే కాబట్టి మిగిలిన ఐదు రోజులు ప్రేక్షకులు పక్క ఛానల్ కు వెళ్ళకుండా చేయటం కత్తి మీద సాములా మారింది. ఆ మద్య నేనే రాజు నేనే మంత్రి సినిమా ప్రమోషన్ సందర్భంగా దగ్గుబాటి రానా ఎంట్రీ ఇచ్చి బిగ్ బాస్ సభ్యులను చాలా సంతోష పరిచారు.
ఇదే క్రమంలో ఈ వీక్ బిగ్ బాస్ హౌస్ తాప్సీ సందడి చేయనుంది. తను నటించిన ఆనందో బ్రహ్మ రేపు విడుదల కానుంది. సోలోగా బరిలో దిగుతున్న ఈ మూవీపై అంచనాలు పెద్దగా లేకపోవడమే ప్లస్ అవుతుందని నమ్ముతున్నారు దర్శక నిర్మాతలు. అంతే కాదు తాప్సీ ఎంట్రీ కూడా చాలా విచిత్రంగా ఉండబోతుందట.
ఇలా రియాలిటీ షోలలో సినిమా సెలెబ్రిటీస్ వచ్చి హడావిడి చేయటం బాలీవుడ్ లో కామన్ కాని టాలీవుడ్ లో మాత్రం ఈ మధ్యే స్టార్ట్ అయ్యింది. వచ్చే వారం అర్జున్ రెడ్డి హీరో విజయ్ దేవరకొండను కూడా లైన్ లో పెట్టారట. ఇది ఎంత వరకు నిజమో తెలియదు కానీ బిగ్ బాస్ పుణ్యమా అని తెలుగు ప్రేక్షకుల కొత్త అనుభూతి పొందుతున్నారు.
