తెలుగు, తమిళ ఇండస్ట్రీలో 90వ దశకంలో తన గ్లామర్ తో కుర్రకారు మతులు పోగొట్టిన హీరోయిన్ ఖుష్బు. తమిళనాట అయితే ఖుష్బూకి విపరీతమైన క్రేజ్ ఉంది..ఎంతగా అంటే ఆమె విగ్రహాన్ని ప్రతిష్టించి గుడి కూడా కట్టారు. ఇండస్ట్రీలో సెలబ్రెటీలకు ఎంత మంది అభిమానులు ఉన్నా తాము కూడా అభిమానించే వ్యక్తులు ఉంటారు.
నటి ఖుష్బూ కి కూడా ఓ వ్యక్తి అంటే వల్లమాలిన అభిమానం..అది ఇప్పటిది కాదు గత 33 ఏళ్లుగా అతన్ని అభిమానిస్తుంది. తాను సెలబ్రెటీ అయినప్పటికి కూడా ఇప్పటి వరకు ఆ వ్యక్తిని మాత్రం కలవలేక పోయిందట. ఇంతకీ ఆయన ఎవరా అని అనుకుంటున్నారా..! ఒకప్పుడు క్రికెట్ లో రారాజుగా వెలిగిపోయిన రవిశాస్త్రి. అయితే ఖుష్బు కి రవిశాస్త్రి అన్నా..ఆయన క్రికెట్ శైలి అన్నా ఎంతో ఇష్టమట. కాకపోతే ఇండస్ట్రీకి వచ్చిన తొలినాళ్లలో సినిమాల్లో బిజీగా ఉండడం, తరువాత కుటుంబం, రాజకీయాలతో బిజీగా మారడంతో ఆమెకు ఆ అవకాశం లభించలేదు.
మొత్తానికి ఖుష్బూ తన అభిమాన స్టార్ ను కలుసుకుంది. తాజాగా చెపాక్ లో ఆస్ట్రేలియాతో జరిగిన వన్డే సందర్భంగా తొలిసారి తన అభిమాన క్రికెట్ స్టార్ ను కలిసింది. ఈ విషయం తన అభిమానులకు ట్విట్టర్ ద్వారా తెలిపింది. ఈ సందర్భంగా ఆయనతో దిగిన ఫోటోను పోస్టు చేసింది. ప్రస్తుతం రవిశాస్త్రి టీమిండియా చీఫ్ కోచ్ గా వ్యవహరిస్తున్నారు.
#NewProfilePic pic.twitter.com/TifgURrjDL
— khushbusundar (@khushsundar) September 18, 2017
