ఫ్యాష‌న్‌తో సినిమా అయితే తీస్తున్నారు. కానీ చాలామందికి దాన్ని ఎలా విడుద‌ల చేసుకోవాలో తెలియ‌డం లేదు. దాంతో బాక్సాఫీసు గుమ్మం ముందు కాపుకాస్తున్నాయి. అలాంటి సినిమాల్లో ద‌ళం ఒక‌టి. న‌వీన్ చంద్ర (అందాల రాక్ష‌సి ఫేమ్‌), పియా బెన‌ర్జీ జంట‌గా న‌టించిన చిత్ర‌మిది.  జీవ‌న్‌రెడ్డి ద‌ర్శ‌కుడు.

ఈ సినిమా ఫ‌స్ట్ లుక్ చూడ‌గానే `విష‌యం ఉన్న సినిమా` అనిపించింది. అంతేకాదు.. సిరివెన్నెల సీతారామ‌శాస్త్రి ఇందులో ఓ భావోద్వేగ‌మైన గీతం ర‌చించారు. అది కూడా.. ఈ సినిమాపై అంచ‌నాలు పెంచింది. ట్రైల‌ర్‌లో చూపిస్తున్నటేకింగ్‌, పోస్ట‌ర్లు కాస్త మెస్మ‌రైజ్ చేశాయి. దాంతో అంద‌రి దృష్టీ ఈ సినిమాపై ప‌డింది.

కానీ సినిమా పూర్త‌యినా ఇన్నాళ్లూ విడుద‌ల కాలేదు. ఇప్పుడు ఈ సినిమాకి మోక్షం ల‌భించింది. ఈ సినిమాని స్వాతంత్య్ర దినోత్స‌వం రోజున అంటే ఆగస్టు 15న విడుదల చేయ‌డానికి నిర్మాత‌లు స‌న్నాహాలు చేసుకొంటున్నారు. అంటే దేశానికి పాటు ద‌శానికీ స్వాతంత్ర్యం వ‌చ్చింద‌న్న‌మాట‌.

మరింత సమాచారం తెలుసుకోండి: