తెలుగు, తమిళ, హిందీ ఇండస్ట్రీలో గతంలో ఎన్నో సంచలనాలు సృష్టించిన చిత్రం రోబో. శంకర్, సూపర్ స్టార్ రజినీకాంత్ కాంబినేషన్ లో వచ్చిన ఈ చిత్రం అప్పట్లో ప్రపంచ వ్యాప్తంగా ఎన్నో అద్భుతాలు సృష్టించింది. ఆ తర్వాత అదే రేంజ్ లో రాజమౌళి దర్శకత్వంలో వచ్చిన బాహుబలి సిరీస్ సెన్సేషన్ క్రియేట్ చేసింది. తాజాగా శంకర్, సూపర్ స్టార్ రజినీకాంత్ రోబో సీక్వెల్ రోబో 2.0 చిత్రంతో ప్రేక్షకుల ముందుకు రాబోతున్నారు.
ఈ మద్య దుబాయ్ లో ప్రీ రిలీజ్ ఫంక్షన్ అంగరంగ వైభవంగా చేశారు. ఇక ఈ చిత్రానికి సంబంధించి ఒక్కో పోస్టర్ రిలీజ్ చేస్తున్నారు డైరెక్టర్ శంకర్. సూపర్ స్టార్ రజినీకాంత్ సరసన బాలీవుడ్ బ్యూటి అమీ జాక్సన్ నటిస్తుంది. బాలీవుడ్ లో యాక్షన్ హీరోగా పేరు తెచ్చుకున్న అక్షయ్ కుమార్ ఈ సినిమాల ప్రతినాయకుడిగా నటిస్తున్నారు.
ఇప్పటికే 'డాక్టర్ రిచర్డ్స్' పాత్రలో అక్షయ్ కుమార్ లుక్, గెటప్ గురించి పోస్టర్లను విడుదల చేసినా... ఈ పోస్టర్లో అక్షయ్ పలికించిన హావభావాలు స్పష్టంగా కనిపిస్తున్నాయి. రోబో 2.0' విడుదల తేదీ మీద స్పష్టత ఇంకా రాకపోయినా, చిత్ర బృందం విడుదల చేస్తున్న పోస్టర్లు మాత్రం అభిమానుల్లో ఆసక్తి రేకెత్తిస్తున్నాయి. ఈ సినిమాలో అక్షయ్ నటవిశ్వరూపాన్ని చూపించాడనడానికి ఈ ఒక్క పోస్టర్ చాలని అభిమానులు అంటున్నారు.