హాలీవుడ్ ఇండస్ట్రీలో ఇప్పటి వరకు ఎన్నో కామెడీ సినిమాలు, సీరియల్స్ వచ్చాయి. ఇక కామెడీ ఆరాధ్య దైవం చార్లీ చాప్లీన్ తర్వాత ఆ స్థాయిలో కడుపుబ్బా నవ్వించిన క్యారెక్టర్ ‘మిస్టర్ బీన్'. మిస్టర్ బీన్ సిరీస్ తో ప్రపంచ వ్యాప్తంగా అభిమానులను సంపాదించుకున్న నటుడు రోవన్ అట్కీన్సన్. తాజాగా రోవన్ అట్కీన్సన్ కి సంబంధించిన ఓ వార్త సోషల్ మీడియాలో తెగ హల్ చల్ చేస్తుంది.
ఆయన త్వరలోనే మూడోసారి తండ్రికాబోతున్నాడు. ప్రస్తుతం అట్కీన్సన్ వయసు 62 ఏళ్లు. ప్రస్తుతం రోవన్ అట్కీన్సన్ 33 ఏళ్ల లూయిస్ ఫోర్డ్ తో సహజీవనం చేస్తున్నారు.
ఈ మద్య నార్త్ లండన్ లోని ఓ షాపింగ్ మాల్ లో లూయిస్ కనిపించడటం ఆమె గర్బవతి అన్న విషయం ప్రపంచానికి తెలిసింది. కాకపోతే ఈ విషయం పై రోవన్, లూయీస్ మాత్రం ఎలాంటి అధికారిక ప్రకటన ఇవ్వలేదు. కాగా, రోవన్ అట్కీన్సన్ ఇప్పటికే 25 ఏళ్ల కుమారుడు, 21 ఏళ్ల కూతురు ఉన్నారు.