పవర్స్టార్ పవన్కళ్యాణ్ నటించిన అజ్ఞాతవాసి సినిమా బుధవారం థియేటర్లలోకి వచ్చేసింది. ఈ సినిమాకు పెట్టిన బడ్జెట్, జరిగిన బిజినెస్, పవన్కళ్యాణ్తో పాటు, త్రివిక్రమ్ ఎవరి రెమ్యునరేషన్ ఏంటనేది ఓ సారి పరిశీలిస్తే ఆసక్తికరమైన విషయలే బయటకు వచ్చాయి. సినిమాలో రెమ్యునరేషన్ల లెక్కే చాలా ఎక్కువుగా ఉంది. పవన్కళ్యాణ్కు రూ. 30 కోట్ల రెమ్యునరేషన్, ఇక త్రివిక్రమ్కు రూ.20 కోట్లు ఇచ్చినట్టు సమాచారం.
ఇక హీరోయిన్లుగా చేసిన కీర్తి సురేష్కు 1 కోటి ఇవ్వగా, మరో హీరోయిన్ అను ఎమ్మాన్యుయేల్కు రూ.20 లక్షలు ఇచ్చారని వినికిడి. ఇక కోలీవుడ్ టాప్ మ్యూజిక్ డైరెక్టర్ అనిరుధ్ రవిచంద్రన్తో ఈ సినిమాకు మ్యూజిక్ చేయించారు. అనిరుధ్కు ఉన్న క్రేజ్ దృష్ట్యా రూ.3 కోట్లు ముట్ట చెప్పినట్టు తెలుస్తోంది. ఇక ఇతర ఖర్చులు మొత్తం కలిపి రూ. 6 కోట్లు కాగా, ప్రొడక్షన్ ఖర్చు రూ.13 కోట్లు అని లెక్క.
ఇక పై ఖర్చులు కాకుండా సినిమా ప్రమోషన్కు మరో రూ.2 కోట్లు ఖర్చు చేసినట్టు సమాచారం. ఇక పవన్ గత సినిమాలు ప్లాప్ అయినా పవన్కు ఉన్న క్రేజ్ దృష్ట్యా ఈ సినిమాకు అతడికి రూ.30 కోట్లు ఇచ్చారట. ఇక అజ్ఞాతవాసి విడుదలకు ముందే 150 కోట్లకుపైగా బిజినెస్ చేసింది. థియేట్రికల్ రైట్స్ 120 కోట్లు, తెలుగు శాటిలైట్ రైట్స్ 19 కోట్లు, ఇతర భాషల శాటిలైట్ రైట్స్ 6 కోట్లు, డిజిటల్ రైట్స్ 7 కోట్లు, ఇతర హక్కులకు 3 కోట్లు మొత్తంగా అజ్ఞాతవాసి చిత్రం రూ.155 కోట్లకు పైగా ప్రీ రిలీజ్ బిజినెస్ చేయడం ఓ రికార్డు.