టాలీవుడ్ ఇండస్ట్రీలో మెగా ఫ్యామిలీ నుంచి వచ్చిన హీరోల ఎవరికి వారే పోటీగా నటిస్తున్నారు. ఇప్పటికే పవన్, బన్ని, రాంచరన్ లో మంచి ఫామ్ లో ఉండగా రీసెంట్ గా సాయిదరమ్ తేజ్, వరుణ్ తేజ్ లు ఎంట్రీ ఇచ్చారు. మెగా బ్రదర్ నాగబాబు తనయుడు వరుణ్ తేజ్ ముకుందా సినిమాతో హీరోగా ఎంట్రీ ఇచ్చినా..కంచె సినిమాతో మంచి ఘనవిజయం సాధించాడు. గత సంవత్సరం ‘ఫిదా’ సినిమాతో అందరినీ లవర్ బాయ్ గా ఫిదా చేశాడు. తాజాగా వరుణ్ తేజ్ నటించిన ‘తొలిప్రేమ’ రిలీజ్ అయి పాజిటీవ్ టాక్ తెచ్చుకుంది. ఆ ఆనందంలో ఉన్న వరుణ్ తేజ్, ఓ ఆంగ్ల మీడియా చానల్ కు ఇచ్చిన ఇంటర్వ్యూలో పలు ఆసక్తికర అంశాలను వెల్లడించారు.
తనకు ఇచ్చే పారితోషికంపై వ్యాఖ్యానిస్తే, ఐటీ సమస్యలు వస్తాయన్న ఆయన, చేసే సినిమాపై ఆధారపడి డబ్బు తీసుకుంటానని చెప్పాడు. తన ముద్దుపేర్లపై అడిగిన ప్రశ్నకు స్పందిస్తూ, "నాన్న ఎదవ అని పిలుస్తుంటాడు. అమ్మ వరుణ్ బాబూ అంటుంది. ఇంకా చాలానే ముద్దుపేర్లున్నాయి" అని చెప్పాడు. యూసఫ్‌గూడలోని సెయింట్‌ మేరీస్‌ కళాశాలలో బీకాం కంప్యూటర్స్‌ చేసిన తాను ప్రస్తుతానికి ఒంటరిగానే ఉన్నానని, ఎవరైనా అమ్మాయి దొరికితే చెబుతానని అన్నాడు.
ఇండస్ట్రీలో తనకు మంచి ఫ్రెండ్ ఎవరంటే..బాహుబలి ప్రభాస్ అని అన్నాడు. అంతే కాదు ప్రభాస్ కన్నా ఒక అంగుళం ఎక్కువ ఎత్తే ఉన్నానని అన్నాడు. తన వయసును దాచుకోబోనని 1990 జనవరి 19న పుట్టిన తనకిప్పుడు 28 ఏళ్లని చెప్పాడు. 'ఘాజీ' వంటి చిత్రాన్ని తీసిన సంకల్ప్ రెడ్డితో సైన్స్ ఫిక్షన్ కథాంశంతో ఓ సినిమాలో నటిస్తున్నట్టు వరుణ్ తేజ్ చెప్పుకొచ్చాడు.
