తెలుగు సినిమా ఇండస్ట్రీలో అష్టాచమ్మ సినిమాతో హీరోగా మంచి మార్కులు కొట్టిన నాని ఆ తర్వాత వచ్చిన సినిమాల్లో యావరేజ్ అనిపించుకున్నాడు. మారుతి దర్శకత్వంలో వచ్చిన ‘భలే భలే మగాడివోయ్’ సినిమాలో మతిమరుపు పాత్రలో తెలుగు ప్రేక్షకులను కడుపుబ్బా నవ్వించి ఒక్కసారే స్టార్ ఇమేజ్ సొంతం చేసుకున్నాడు. ఆ తర్వాత వరుస విజయాలతో స్టార్ హీరో హోదాకి ఎదిగిపోయాడు. ప్రస్తుతం నాని నటించే సినిమాలు ఇక్కడే కాదు ఓవర్సీస్ లో కూడా మంచి లాభాల భాటలో నడుస్తుంది.
తెలుగు తెరపై నాని జోరు ఒక రేంజ్ లో కొనసాగుతోంది. ఏ మాత్రం గ్యాప్ లేకుండగా ఆయన చకచకా సినిమాలు చేసుకుంటూ వెళ్లిపోతున్నాడు. ఈ ఉగాదికి మల్టీ స్టారర్ సినిమాగా నాగార్జునతో నటించబోతున్నాడు నాని. ఈ మద్య టాలీవుడ్ లో ఓ వార్త చక్కర్లు కొడుతుంది. దర్శకుడు విక్రమ్ కుమార్ కి కూడా గ్రీన్ సిగ్నల్ ఇచ్చినట్టుగా వార్తలు వచ్చాయి. ఇప్పుడు ఈ సినిమా అటకెక్కిందనేది తాజా సమాచారం.
హీరో నానికి దర్శకుడు విక్రమ్ కుమార్ ఓ కథ వినిపించాడట..ఫస్ట్ పార్ట్ బాగున్నా సెకండ్ పార్ట్ విషయంలో కాస్త డిఫరెంట్ అనిపించడంతో మనోడు వ్యక్తం చేశాడనీ, ఫలితంగా ఆ ప్రాజెక్టు డౌట్లో పడిందనేది ఫిల్మ్ నగర్ టాక్. దాదాపు ఈ ప్రాజెక్టు లేనట్టేనని అంటున్నారు.
మరోవైపు నాని వేరే ప్రాజెక్ట్ కు సై అన్నారట. ఇక విక్రమ్ కుమార్ .. స్వప్న దత్ కి .. మంజుల ఘట్టమనేనికి వేరు వేరు కథలు వినిపించి ఓకే చేయించుకున్నారట. అందువలన ఈ రెండు ప్రాజెక్టులలో ఒకటి త్వరలో పట్టాలెక్కనుందని చెప్పుకుంటున్నారు.
