తెలుగు ఇండస్ట్రీలో రెబల్ స్టార్ కృష్ణం రాజు నట వారసుడిగా ‘ఈశ్వర్’ చిత్రంతో హీరోగా ఎంట్రీ ప్రభాస్ ఆ తర్వాత సరైన విజయం లేక ఇబ్బందులు పడుతున్న సమయంలో ఎస్ ఎస్ రాజమౌళి దర్శకత్వంలో వచ్చిన ‘చత్రపతి’ చిత్రంతో బ్లాక్ బస్టర్ విజయం సాధించారు. ఆ తర్వాత నుంచి వరుస విజయాలతో ప్రబాస్ తనకంటూ ప్రత్యేక ఇమేజ్ సొంతం చేసుకున్నాడు. ఇదే సమయంలో రాజమౌళి మరో ప్రతిష్టాత్మక ప్రాజెక్ట్ అయిన బాహుబలి, బాహుబలి 2 చిత్రాలతో ఏకంగా జాతీయ స్థాయి నటుడిగా గుర్తింపు తెచ్చుకున్నాడు.
బాహుబలి 2 చిత్రానికి వచ్చిన క్రేజ్ అంతా ఇంతా కాదు. 'బాహుబలి: ది బిగినింగ్', 'బాహుబలి: ది కన్ క్లూజన్' చిత్రాల తరువాత కొంత గ్యాప్ తీసుకుని ప్రభాస్ నటిస్తున్న 'సాహో' చిత్రం షూటింగ్ ఇప్పుడు శరవేగంగా సాగుతోందన్న సంగతి తెలిసిందే. బాహుబలి తర్వాత ప్రభాస్ చేస్తున్న ఈ చిత్రంపై అంచనాలు హై రేంజిలో ఉన్నాయి. ప్రసుత్తం ఈ చిత్రానికి సంబంధించిన షూటింగ్ అబుదాబి, దుబాయ్‌లో జరుగుతోంది. ప్రభాస్ మీద చిత్రీకరిస్తున్న సీన్లకు సంబంధించిన ఫోటోస్ లీక్ అయ్యాయి. కొన్ని క్షణాల్లోనే ఇవి సోషల్ మీడియాలో వైరల్ అయ్యాయి.
ఇది ప్రభాస్ కు 19వ చిత్రం కాగా, ఈ సినిమాకు సంబంధించిన లేటెస్ట్ స్టిల్స్ ను ప్రభాస్ స్వయంగా తన ట్విట్టర్ ఖాతాలో పోస్టు చేశాడు. ఓ హైఎండ్ బైక్ పై కూర్చుని ఉన్న ప్రభాస్ స్టయిలిష్ గా, డేరింగ్ గా కనిపిస్తున్నాడని వీటిని చూసిన వారంటున్నారు. కాగా, ఈ సినిమాలో ప్రభాస్ పవర్ ఫుల్ పోలీసు ఆఫీసర్ గా నటిస్తున్నారన్న సంగతి తెలిసిందే. ప్రభాస్ మీద హై ఆక్టేన్ బైక్ స్టంట్స్ చిత్రీకరిస్తున్నారు. ప్రముఖ హాలీవుడ్ స్టంట్ కొరియోగ్రాఫర్ కెన్నీ బేట్స్ ఆధ్వర్యంలో ఈ యాక్షన్ సీక్వెన్స్ చిత్రీకరిస్తున్నారు.
ప్రభాస్‌తో పాటు హీరోయిన్ శ్రద్ధా కపూర్, ఈ చిత్రంలో ముఖ్యమైన పాత్ర పోషిస్తున్న బాలీవుడ్ బ్యూటీ ఎవలీన్ శర్మపై కూడా యాక్షన్ సీన్లు షూట్ చేస్తున్నారు. ఇండియాలో ఇప్పటి వరకు వచ్చిన యాక్షన్ మూవీల్లో ది బెస్ట్ యాక్షన్ చిత్రంగా ఈ మూవీ ఉంటుందని అంటున్నారు. ప్రభాస్ పోలీస్ యూనిఫాంలో ఉన్న ఫొటో ఒకటి ఇటీవలే ఆన్ లైన్ లో లీక్ అయింది. ప్రభాస్ పోస్టు చేసిన లేటెస్ట్ అఫీషియల్ స్టిల్స్ ను మీరూ చూడవచ్చు.
Box-office be scared ✊..#Prabhas #Saaho on the way pic.twitter.com/3PfslSBR80
— PKI (@TeamPKIOffi) May 1, 2018
#Saaho 😎👌
— PKI (@TeamPKIOffi) May 1, 2018
Ultra Stylish Prabhas#Prabhas @sujeethsign pic.twitter.com/dLofx5vYsS
