భరత్ అనే నేనుతో మహేష్ బ్యాక్ టూ బ్యాక్ ఫ్లాపుల భారీ నుండి బయట పడేసిన దర్శకుడు కొరటాల శివ. అందుకే మీరంతా సూపర్ స్టార్ అని అంటున్నా ఈ సూపర్ స్టార్ కు నాలుగేళ్లలో రెండుసార్లు లైఫ్ ఇచ్చాడు కొరటాల శివ అని అంత ఓపెన్ గా చెప్పేశాడు మహేష్. దర్శకుడికి గౌరవం ఇవ్వడంలో స్టార్స్ ఎప్పుడు ముందుంటారు ఆ విషయంలో మహేష్ మరి కాస్త ఎక్కువ అని చెప్పొచ్చు.
ఇక ఈ సినిమా సక్సెస్ తో ఫుల్ ఖుషిగా ఉన్న మహేష్ కొరటాల శివకు ఓ క్రేజీ గిఫ్ట్ ఇచ్చాడని తెలుస్తుంది. శ్రీమంతుడు సినిమా టైంలో కూడా ఆడి కారుని కొరటాల శివకు గిఫ్ట్ గా ఇచ్చాడు మహేష్. ఇక ఇప్పుడు మాత్రం అంతకంటే పెద్దది అని అంటున్నారు. అయితే ఆ గిఫ్ట్ ఏంటన్నది మాత్రం ప్రస్తుతానికి సర్ ప్రైజ్ అట.
నగదు రూపంలో ఇచ్చే అవకాశం లేదు కాబట్టి ఈ సారి మహేష్ దర్శకుడు కొరటాల శివకు ఎలాంటి గిఫ్ట్ ఇచ్చి ఉంటాడా అని ఆరా తీస్తున్నారు ప్రేక్షకులు. ఇక భరత్ అనే నేనుతో మహేష్ మరోసారి బాక్సాఫీస్ దగ్గర తన స్టామినా ఏంటో ప్రూవ్ చేసుకున్నాడు. ఈ సినిమా అంచనాలను అందుకుని సక్సెస్ ఫుల్ గా రన్ అవుతుంది.
స్టార్ సినిమాలకు మెసేజ్ ను యాడ్ చేసి వాటిని కమర్షియల్ గా కూడా ఆ హీరో ఇమేజ్ ను దృష్టిలో ఉంచుకుని హిట్ అయ్యేలా చేయడమే కొరటాల శివ లక్ష్యం. హ్యాట్రిక్ హిట్స్ దాటి భరత్ అనే నేనుతో డబుల్ హ్యాట్రిక్ షురూ చేసిన కొరటాల శివ కచ్చితంగా ఇదే ఫాం కొనసాగిస్తాడని చెప్పొచ్చు.
