తెలుగు ఇండస్ట్రీలో మొదటి సారిగా సినీ తారపై వస్తున్న బయోపిక్ ‘మహానటి’ కి రోజు రోజుకీ ఆదరణ విపరీతంగా పెరిగిపోతుంది. ఈ చిత్రానికి సంబంధించిన పోస్టర్స్, సాంగ్స్, క్యారెక్టర్స్ కి సంబంధించిన వీడియోలు అంచనాలు పెంచేస్తున్నాయి. అలనాటి మహానటి సావిత్రి జీవిత కథ ఆధారంగా ఎవడే సుబ్రమణ్యం ఫేమ్ నాగ్ అశ్విన్ దర్శకత్వంలో వస్తున్న మహానటి మే 9 న రిలీజ్ కాబోతుంది.
సావిత్రి పాత్రలో కీర్తి సురేష్ నటిస్తుండగా..ఆమె భర్త జెమిని గణేష్ పాత్రలో దుల్కన్ సల్మాన్ నటిస్తున్నారు. ఈ చిత్రంలో టాలీవుడ్ టాప్ నటులు నటిస్తున్నారు. అందువలన ఈ సినిమాకి భారీ ఓపెనింగ్స్ ఉండొచ్చని అనుకుంటున్నారు. ఈ సినిమా థియేటర్లకు వస్తుందనీ, వచ్చి చూసి ఈ సెలబ్రేషన్ లో భాగస్వాములు కావాలని సినీ ప్రముఖులకు ఈ సినిమా టీమ్ ఆహ్వాన పత్రికలు పంపించినట్టుగా తెలుస్తోంది.
జీడిపప్పు మిఠాయితో కూడిన బాక్స్ తో పాటు ఆహ్వాన పత్రికలను పంపించడం విశేషం. అలాంటి ఆహ్వాన పత్రికను అందుకున్న 'బాహుబలి' నిర్మాత శోభు యార్లగడ్డ, ఈ సినిమా టీమ్ కి శుభాకాంక్షలు తెలియజేశారు.
ఒక మహానటి బయోపిక్ చిత్రాన్ని ప్రేక్షకులు అందించడంలో తనకు ఎంతో గర్వంగా ఉందని..ఇది ప్రతి ఒక్క తెలుగు ప్రేక్షకులు చూడదగ్గ చిత్రం అని దర్శకులు నాగ్ అశ్విన్ అంటున్నారు.
Thank you #TeamMahanati for this sweet gift! Wishing you all the very best! looking forward to watching the film this Friday ! @MahanatiTheFilm, @VyjayanthiFilms pic.twitter.com/ouGnxGHwxd
— Shobu Yarlagadda (@Shobu_) May 8, 2018
