దగ్గుబాటి అభిరామ్ తో ఒకనటి సన్నిహితంగా ఉంటున్న ఫోటోలు ఈమధ్య బయటకు వచ్చిన సంగతి తెలిసిందే. ఆ వివాదాల నుండి ఇంకా పూర్తిగా బయటకురాకుండానే అభిరామ్ కు మరో కొత్త బెదిరింపులు వచ్చినట్లు వార్తలు వస్తున్నాయి. అభిరామ్ సెల్ ఫోన్ ను తస్కరించిన నలుగురు దుండగులు ఆ సెల్ ఫోన్ లో ఉన్న ఫోటోలను బయటపెడతాము అంటూ అభిరామ్ ను బ్లాక్ మెయిల్ చేయడమే కాకుండా 1.5 కోట్లు చెల్లించమని లేకుంటే ఆ ఫోటోలను బయట పెడతాము అంటూ అభిరామ్ కు ఈమెయిల్ పెట్టి బెదిరించిన విషయం వెలుగులోకి వచ్చింది.
దీనితో రంగంలోకి దిగిన తండ్రి సురేశ్ బాబు పోలీసులను ఆశ్రయించడంతో ఈ వ్యవహారం పై పోలీసులు లోతుగా విచారణ చేసి ఈబెదిరింపులను చేసిన నలుగురుని గుర్తించి అరెస్ట్ చేసినట్లుగా వార్తలు వస్తున్నాయి. అయితే అభిరామ్ ఐ ఫోన్ లో ఏఫోటోలు ఏవీడియోల పేర్లు చెప్పి ఈ వ్యక్తులు బ్లాక్ మెయిల్ చేసారు అన్న విషయం పోలీసులు గోప్యంగా ఉంచుతున్నారని ఒక ప్రముఖ తెలుగు దిన పత్రిక ఆసక్తికర కథనాన్ని ప్రచురించింది.
గతనెల 24వ తారీఖున ఒక ఫేక్ ఈమెయిల్ ఐడీని క్రియేట్ చేసి ఆ ఈమెయిల్ ఐడీ నుండి అభిరామ్ కు ఈబెదిరింపులు వచ్చినట్లు సమాచారం. అంతేకాదు ఆ ఐ ఫోన్ లో ఉన్న ఫోటోలు వీడియోల విషయం ప్రస్తావిస్తూ వాటిని సోషల్ మీడియాలో పెడతామని కూడ ఆ నలుగురు వ్యక్తులు అభిరామ్ ను బెదిరించినట్లు తెలుస్తోంది.
తెలుస్తున్న సమాచారం మేరకు అభిరామ్ ఒక రెస్టారెంట్ లో ఉన్న సమయంలో అతడి ఐ ఫోన్ ను తస్కరించిన దుండగులు ఆ ఫోన్ పాస్ వర్డ్ ను క్రాక్ చేసి అందులోని కొన్ని ఫోటోలు వీడియోలు ఆ దుండగులు చూసినట్లు తెలుస్తోంది. అయితే అభిరామ్ సెల్ ఫోన్ ను దొంగిలించిన వ్యక్తులు దొరికినా ఆ సెల్ ఫోన్ లోని ఫోటోలు వీడియోల పై ఇంకా గోప్యత కొనసాగుతూనే ఉంది అంటూ ఆ ప్రముఖ దిన పత్రిక ఆసక్తికర కథనాన్ని ప్రచురించింది..
