తెలుగు ఇండస్ట్రీలో మహానటి సావిత్రి గురించి ప్రత్యేకంగా చెప్పాల్సిన అవసరం లేదు. కేవలం తన కళ్లతోనే హావభావాలు పలికించి సీన్ రక్తి కట్టించగల గొప్ప నటి సావిత్రి. అందుకే ఆమె తో నటించాలంటే..కొంత మంది స్టార్లు కూడా కాస్త వెనుకా ముందు ఆడేవారని..చెప్పుకునే వారు. ఎన్టీఆర్, ఏఎన్ఆర్ లతో సమానంగా సావిత్రి నటించి మెప్పించారు. అప్పట్లో సావిత్రి లేని సినిమా లేదని అనుకునేవారు..తెలుగులోనే కాదు తమిళంలో కూడా నెంబర్ వన్ స్థానంలో ఉన్నారు సావిత్రి.
జెమినీ గణేషన్ ని పెళ్లి చేసుకున్న తర్వాత కూడా ఆమె కెరీర్ కొంత కాలం పాటు సాఫీగా సాగినా..కుటుంబ కలహాలతో ఆమె జీవితం చిన్నచిన్నగా పతనం అయ్యింది. ఇక ఇండస్ట్రీలో సావిత్రిని ఇష్టపడే వారు చాలా మంది ఉన్నారు..అందులో ముఖ్యంగా జమున...వీరిద్దరూ అక్కచెల్లెళ్లా ఉండేవారని..ఏ ఫంక్షన్ అయినా ఇరు కుటుంబాలు కలిసి చేసుకునేవని..సావిత్రి అంటే సొంత మనిషికన్నా ఎక్కువగా ప్రేమించేదానిని అని ఓ ఇంటర్వ్యూలో జమున తెలిపారు. " మా అబ్బాయిని ఉయ్యాలలో వేసే రోజున సావిత్రి బాగా తాగేసి వచ్చింది.
బాబును ఎత్తుకుని ఆడించి తిరిగి ఉయ్యాలలో వేసింది. ఆ తరువాత రూములోకి వచ్చి నన్ను గట్టిగా కౌగలించుకుని పెద్దగా ఏడ్చేసింది. నువు చాలా అదృష్టవంతురాలివే..చెల్లి. చక్కటి భర్త..అందమైన కొడుకు నిండు సంసారం..చాలా సంతోషంగా ఉంది..నాకు ఈ అదృష్టం లేదని..నన్ను జెమినీ అలా చేశాడు..ఇలా చేశాడని కన్నీరు పెట్టుకుందని అన్నారు.
వెంటనే సావిత్రిని ఓదార్చి..జెమినీని చేసుకోవద్దని అందరూ నీతో చెప్పారు .. మోసపోతావని అన్నారు. అయినా వినిపించుకోకుండా బుట్టలో పడ్డావు. కష్టమో .. నష్టమో .. జరిగిందేదో జరిగిపోయింది. నీకు ఇద్దరు పిల్లలు వున్నారు .. ఇక నీ జీవితానికి వాళ్లే సంతోషాన్ని ఇస్తారు అని ఓదార్చాను .. ధైర్యం చెప్పాను" అన్నారు.
