మహానటి సూపర్ హిట్ కారణం సావిత్రి కున్న ప్రత్యేక ఇమేజ్ సుమారు అర్థ శతాబ్ధం పాటు టాలీవుడ్ లో కొనసాగిన నటి. జీవిత చరిత్రలో 75శాతం రీల్ లైఫ్ సెట్స్ మీదే గడిచిపోయిందని అంటారు. 25శాతం మాత్రమే రియల్ లైఫ్. జీవితమంతా బలమైన అనేక ఎత్తు పల్లాలు మలుపులు సస్పెన్స్ సర్ప్రయిజులు మాత్రమేకాదు ప్రేమ పరిణయం ప్రమోదం వీటితో పాటు కావల సినంత విషాదం ఆ సినిమాని ఒక మహాకావ్యంగా మార్చేశాయి.
సౌందర్య తెలుగు, తమిళం, కన్నడం, మలయాళం మరియు ఒక హిందీ చిత్రం మొత్తం కలిపి 100కు పైగా చిత్రాలలో నటించింది. 12 సంవత్సరాలు నటిగా వెలిగిన ఈమె బెంగళూరులో జరిగిన విమాన ప్రమాదంలో మరణించింది. ఆమె ఎం.బి.బి.ఎస్ మొదటి సంవత్సరంలో ఉండగా, ఆమె తండ్రి యొక్క స్నేహితుడు, గంధర్వ (1992) చిత్రంలో నటించేందుకు అవకాశం ఇచ్చారు. అమ్మోరు చిత్రం విజయవంతమైన తరువాత, ఆమె చదువును మధ్య లోనే ఆపేసింది. తెలుగు చిత్ర పరిశ్రమలో ఆమె మంచి పేరు ప్రఖ్యాతలు గడించి, ఇక్కడ ఆమె విజయఢంకా మ్రోగించింది. ఆమె కన్నడ, తమిళం, మలయాళం మరియు నటించింది. హిందీలో ఆమె అమితాబ్ బచ్చన్ తో కలిసి సూర్యవంశ్ అనే హిందీ చిత్రంలో నటించింది. ఆమె కన్నడంలో నటించిన ఆఖరి చిత్రం "ఆప్త మిత్ర" విజయవంతమైంది.
ఒక సినిమా హిట్ అయితే అదే ఫార్ములాను ఫాలో అవుతూ వందల కొద్దీ సినిమాలు తీస్తుంటారు టాలీవుడ్ దర్శక నిర్మాతలు. ఇప్పుడు జీవిత చరిత్రలు -బయోపిక్- ల మీద దృష్టి పెట్టారు. నిజానికి 'మహానటి' సినిమా విడుదలయ్యే వరకు కూడా ఈ సినిమా ఇంత సక్సెస్ అవుతుందని ఎవరూ ఊహించలేదు. ఇప్పుడు ఈ సినిమా ఇచ్చిన ఉత్సాహంతో టాలీవుడ్ లో మరో నటి బయోపిక్ కు శ్రీకారం చుట్టనున్నారని తెలుస్తుంది.
ఒకప్పటి సూపర్ స్టార్ హీరోయిన్ అభినవ సావిత్రి అనదగ్గ నటీమణి అందాల తార సౌందర్య గురించి టాలీవుడ్ లో తెలియని వారుండరు. అగ్ర హీరో లందరితో సినిమా లు చేసి క్షణం తీరికలేకుండా ఎన్నీ సినిమాలు నటించింది, బిజీ బిజీగా గడిపేది. విమాన ప్రమాదంలో ఆమె హఠాన్మరణం ఒక్క సారి పరిశ్రమను మూగబోయేలా చేసిన క్షణాలు ఇంకా గుర్తున్నయందరికి. ఆ షాక్ ఇంక అందరి మనోపలకం నుండి తొలిగిపోలేదు.
ఇప్పుడు సౌందర్య బయోపిక్ ను తెరకెక్కించాలని నిర్ణయించుకున్నారు, "పెళ్లిచూపులు" సినిమా నిర్మాత నిర్మాత రాజ్ కందుకూరి. కన్నడ అమ్మాయి అయిన సౌందర్య జీవితంలో చోటు చేసు కున్న ప్రతి ఘట్టాన్ని తెరపై చూపించాలని అనుకుంటున్నాడు.
నాలుగు దక్షిణాది భాషల సినిమాల్లోను సౌందర్య నటించింది. అందుకే ఈ సినిమాను నాలుగు దక్షిణాది భాషల్లో రూపొందించనున్నారని సమాచారం. అయితే ఈ బయోపిక్ నిర్మాణానికి సౌందర్య కుటుంబ సభ్యులు అంగీకరించాలి. లేదంటే ఈ బయోపిక్ సెట్స్ పైకి వెళ్ళడం కష్టమే. గతంలో కూడా రాజ్ కందుకూరి తెలంగాణా ముఖ్యమంత్రి కెసీఆర్ బయోపిక్ నిర్మిస్తానని అన్నారు. కానీ ఇప్పటివరకు దీనికి సంబంధించి ఎలాంటి సమాచారం లేదు. మరి సౌందర్య బయోపిక్ సంగతి ఏం చేస్తారో? చూడాలి అంటున్నారు కొందరు ప్రేక్షకులు. దాదాపు పదేళ్ళ క్రితం యువతరానికి కూడా తెలిసిన సౌందర్య జీవితంలో కూడా కావలసి నంత మెలో డ్రామా ఉందంటారు కొందరు టాలీవుడ్ స్నేహితులు.
