ఈ సంవత్సరం ఫిబ్రవరిలో ప్రేమికుల రోజున మూడు నిమిషాల వ్యవధి ఉన్న వీడియో విడుదలవగా అందులో కేవలం 26 సెకండ్లు మాత్రమే హంగామా చేసి ఆ చిన్న వ్యవధిలోనే తన చిలిపి చేష్టలతో కుర్రకారు హృదయాల్ని దోచుకున్న ముద్దుగుమ్మ గుర్తుందా? అదేనండి కన్నుగీటి యావత్ దేశ కుర్రకారుని ఫిదా చేసిన భామ ప్రియా ప్రకాష్ వారియర్.


ఆ వీడియో దెబ్బకు ఆమె ఎంత పాపులర్ అయిందో ఇక ప్రత్యేకంగా చెప్పనవసరంలేదు. రాత్రికి రాత్రే ఓవర్ నైట్ స్టార్ గా ఎదిగిపోయింది. అన్నట్టూ ఈ భామ, టాలీవుడ్ యువహీరో అఖిల్ కలిసి దిగిన ఫోటో ఇప్పుడు ఇంటర్నెట్లో వైరల్ అయింది. వీరిద్దరూ కలిసి ఏదయినా సినిమాలో నటించబోతున్నారా అన్న సందేహాలు కలుగకమానలేదు. అయితే అవన్నీ వట్టి పుకార్లేనని తేలిపోయింది.


ఎందుకంటే వారిద్దరూ కలిసి ఒక వ్యాపార ప్రకటనలో నటించబోతున్నారు. సౌత్ ఇండియా షాపింగ్ మాల్ కు చెందిన వాణిజ్య ప్రకటనలో వీరిరువురు నటించబోతున్నారు. ఆ సమయంలోనే వీరిరువురు ఒక సెల్ఫీ తీసుకోవడంతో అది ఇలా పాపులర్ అయింది. కాగా ఈ అమ్మడు ఇప్పటికే పలు అంతర్జాతీయ ఆహార ఉత్పత్తుల సంస్థల ప్రకటనలోనూ నటిస్తుంది. అంతేగాక ఈ సారి హిందీ బిగ్ బాస్ సీజన్ నిమిత్తం ఈమెను సంప్రదించినట్లు వార్తలు వస్తున్నాయి.


మరింత సమాచారం తెలుసుకోండి: