ఎన్టీఆర్ బర్త్ డే వస్తుందంటే తన అభిమానులు చేసే హంగామా అంత ఇంత కాదు. తన అభిమానులే కాదు ఏకంగా ఫిలిం ఇండస్ట్రీ కూడా ఎంతో ప్రాముఖ్యత ఇస్తుంది. ఇప్పటి నుంచి సోషల్ మీడియా లో ఎన్టీఆర్ బర్త్ డే గురించి పిక్స్ తో అభిమానులు రెచ్చి పోతున్నారు. అయితే ఎన్టీఆర్ బర్త్ డే కు త్రివిక్రమ్ ఫస్ట్ లుక్ రిలీజ్ చేయబోతున్నాడు. హీరో బర్త్ డేస్ కు మూవీస్ నుంచి ఎదో ఒక స్టిల్ రిలీజ్ చేయడం పరిపాటి. అయితే ఇప్పుడు ఎన్టీఆర్ రాజమౌళి సినిమా లో నటించనున్న సంగతి తెలిసిందే.
రామ్ చరణ్, ఎన్టీఆర్ హీరోలుగా రాబోతోంది ఆ మల్టీస్టారర్. మరి ఈ సినిమాకు సంబంధించి రాజమౌళి ఏమైనా మెటీరియల్ రెడీ చేశాడా..? ఎన్టీఆర్ పుట్టినరోజు సందర్భంగా ఏదైనా కొత్త విషయం చెప్పబోతున్నాడా..? తన సినిమాలో నటీనటుల పుట్టిన రోజులకు స్పెషల్ లుక్స్ విడుదల చేయడం రాజమౌళికి అలవాటు. బాహుబలి-1, బాహుబలి-2 సినిమాల టైమ్ లో ఇదే పనిచేశాడు. ఎన్టీఆర్ బర్త్ డేకు కూడా రాజమౌళి చేయాలనుకుంటే ఏదైనా చేయొచ్చు.
ఆ మధ్య కాలిఫోర్నియాలో సినిమాకు సంబంధించి ఎన్టీఆర్ పై టెస్ట్ కట్ జరిగింది. కావాలంటే అందులోంచి ఓ స్టిల్ ను విడుదల చేయొచ్చు. ఇప్పట్నుంచే స్టిల్స్ విడుదల చేయడం ఇబ్బంది అనుకుంటే.. కనీసం మల్టీస్టారర్ మూవీకి సంబంధించి స్టోరీలైన్ ఏంటనే విషయాన్ని చెప్పొచ్చు. ఎందుకంటే తన సినిమా ఎలా ఉండబోతోందనే విషయాన్ని రాజమౌళి ముందే చెప్పేస్తాడు. బాక్సింగ్ బ్యాక్ డ్రాప్ తో ఈ సినిమా వస్తోందనే ప్రచారం చాన్నాళ్లుగా నడుస్తోంది. కావాలనుకుంటే దీనిపై రాజమౌళి క్లారిటీ ఇవ్వొచ్చు. ఎటొచ్చి తారక్ పుట్టిన రోజుకు రాజమౌళి కూడా ఏదో ఒకటి షేర్ చేస్తే బాగుంటుందనేది అభిమానుల కోరిక.
