సూపర్ స్టార్ రజినీకాంత్ నటించిన ‘కాలా’ సినిమా షూటింగ్ పూర్తి చేసుకొని ప్రమోషన్ బిజీలో పడింది. రజనీ కాంత్, డైరెక్టర్ పా.రంజిత్ కలయికలో తెరకెక్కిన చిత్రం ‘కాలా’. రజనీ అల్లుడు, నటుడు ధనుష్ నిర్మాతగా.. వండర్ బేర్ ఫిలిమ్స్ పతాకంపై ఈ సినిమాని నిర్మించారు. ఇప్పటికే వీరిద్దరి కాంబినేషన్ లో ‘కబాలి’ సినిమా పెద్దగా హిట్ కాకపోయినా..కమర్షియల్ గా మంచి కలెక్షన్లు రాబట్టింది.
ప్రపంచ వ్యాప్తంగా కబాలి సినిమాకు వచ్చిన క్రెడిట్ చూసి సూపర్ స్టార్ రజినీకాంత్ మరోసారి డైరెక్టర్ పా.రంజిత్ కి ఛాన్స్ ఇచ్చారు. ధనుష్ నిర్మాతగా.. వండర్ బేర్ ఫిలిమ్స్ పతాకంపై ‘కాలా’ సినిమా పై భారీ అంచనాలు మొదలయ్యాయి. ఈ సినిమాకు సంబంధించి ఫస్ట్ లుక్, టీజర్ తో పాటు ఈ మద్య సాంగ్ కూడా రిలీజ్ చేశారు.
తమిళనాడు నుంచి ముంబాయి వెళ్లిన ఓ సగటు మనిషి డాన్ గా ఎలా ఎదిగాడు..తన ప్రత్యర్థులను ఎలా ఢీ కొన్నాడు అన్న విషయంపై అద్భుతంగా ఆవిష్కరించారట. ఈ చిత్రానికి సంతోష్ నారాయణన్ సంగీత దర్శకత్వం వహించారు. ప్రపంచవ్యాప్తంగా జూన్ 7న ఈ సినిమా ప్రేక్షకుల ముందుకు రానుంది. తాజాగా సెన్సార్ కార్యక్రమాలు పూర్తిచేసుకున్న ఈ సినిమాకి.. సెన్సార్ బోర్డు 'యు/ఎ' సర్టిఫికేట్ను జారీ చేసింది.
కాగా.. ఈ సినిమా రన్ టైమ్ 164 నిమిషాలు (2గంటల 44నిమిషాలు) అని తెలిసింది. ఇటీవల కాలంలో ఎక్కువ నిడివితో విడుదలైన సినిమాలలో సింహభాగం విజయం సాధించాయి. ఈ నేపథ్యంలో ‘కాలా’ కూడా ఆ సెంటిమెంట్ను కొనసాగిస్తాడేమో చూడాలి.