మెగా హీరోగా అభిమానులను అలరిస్తూ తన సొంత స్టైల్ తో స్టైలిష్ స్టార్ గా అవతరించిన అల్లు అర్జున్ అలియాస్ బన్ని రీసెంట్ రిలీజ్ నా పేరు సూర్య పెద్ద షాకే ఇచ్చింది. వక్కంతం వంశీ డైరక్షన్ లో వచ్చిన నా పేరు సూర్య సినిమా అంచనాలను అందుకోవడంలో విఫలమైంది. ఇక ఈ సినిమా తర్వాత బన్ని ఇంతవరకు తన తర్వాత సినిమా ఎనౌన్స్ చేయలేదు.
స్టార్ డైరక్టర్స్ అంతా ప్రస్తుతం తమ సినిమాలతో బిజీగా ఉన్నారు. కుర్ర దర్శకులు టాలెంటెడ్ డైరక్టర్స్ బన్నితో సినిమా చేసేందుకు రెడీనే కాని బన్నికి కథ చెప్పి ఒప్పించినా ఆ ఫ్యామిలీలో అందరు ఆ కథ వినాలి. అంతేకాదు ఆ ప్రొడక్షన్ లో పనిచేస్తున్న కొందరు రైటర్స్ ఇచ్చే సలహాలు సూచనలు తీసుకోవాలి.
అంతేకాదు కొన్ని మార్పులు చేర్పులు వారికి నచ్చినట్టుగా చేయాలి. ఇదంతా ఓ ఎత్తైతే షూటింగ్ టైంలో ఎప్పటికప్పుడు అనుకున్న విధంగా వస్తుందా రావట్లేదా అన్న చెకింగ్ కూడా ఉంటుందట. ఇదంతా దర్శకుడికి అదనపు బర్డెన్. అందుకే బన్నితో సినిమా అంటే డైరక్టర్స్ అంతా భయపడుతున్నారట.
ఇండస్ట్రీలో తానో స్టార్ గా ఎదిగాడు అది సరిపోద్ది కాని హిట్ దాహం ఎక్కువైన బన్ని క్రియేటర్స్ కు కాస్త ఇబ్బందిగా మారుతున్నాడట. అయితే ఈ వార్తల్లో ఎంతవరకు వాస్తవం అన్నది తెలియదు కాని సక్సెస్ ఫుల్ హీరోగా ఉన్న బన్ని మీద ఇలాంటి వార్తలు రావడం దురద్రుష్టం. ప్రస్తుతం విక్రం కె కుమార్ తో బన్ని సినిమా చేయాలని చూస్తున్నాడట. మరి దానికి సంబందించిన అఫిషియల్ డీటైల్స్ తెలియాల్సి ఉంది.
