తెలుగు, మళియాళ ఇండస్ట్రీలో మంచి గుర్తింపు తెచ్చుకున్న హీరోయిన్ వేదిక. అయితే తెలుగు ఈ అమ్మడు నటించిన చిత్రాలు తక్కువే అయినా అచ్చ తెలుగు అమ్మాయిలా కనిపించింది. అర్జున్, జగపతి బాబు హీరోలుగా నటించిన తమిళ డబ్బింగ్ చిత్రం శివకాశి ద్వారా తెలుగు తెరకు పరిచయమయింది. తర్వాత ముని, విశయదశమి, బాణం, దగ్గరగా దూరంగా చిత్రాలలో నటించింది.
ఆ తర్వాత తెలుగు లో నటించలేదు. ఈ మద్య దక్షిణాది హీరోయిన్లు బాలీవుడ్ లో ఎంట్రీ ఇచ్చి అక్కడ కూడా త‌మ స‌త్తాను చాటుకుంటున్నారు. తాజాగా వీరి బాట పట్టింది..వేదిక. ఇమ్రాన్ హష్మి హీరోగా రూపొందుతున్న మూవీలో హీరోయిన్ గా న‌టిస్తున్న‌ది.. ఈ చిత్రాన్ని మలయాళ దర్శకుడు జీతూ జోసెఫ్ డైరెక్ట్ చేయనున్నాడు.
సీనియ‌ర్ నటుడు రిషి కపూర్ కూడ ఒక కీలక పాత్రలో నటిస్తున్న ఈ చిత్రానికి ‘ది బాడీ’ అనే టైటిల్ నిర్ణ‌యించారు.. వయాకామ్ 18 మోషన్ పిక్చర్స్, సునీర్ సంయుక్తంగా ఈ చిత్రాన్ని నిర్మిస్తున్నారు.
