అలనాటి వెండి తెర మహరాణి..కేవలం తన కళ్లతోనే సన్నివేశాన్ని రక్తి కట్టించగల మహానటి సావిత్రి జీవిత కథ ఆధారంగా నాగ్ అశ్విన్ దర్శకత్వంలో కీర్తి సురేష్ ప్రధాన పాత్రలో ‘మహానటి’ సినిమా రిలీజ్ అయ్యింది. మొదట్లో ఈ సినిమాపై ఎన్నో అనుమానాలు..అపవాదులు వచ్చాయి. సావిత్రి తుది శ్వాస విడిచే ముందు దుర్భరమైన జీవితం గడిపిందని..ఆమె ఎంత ఉన్న స్థితిలో ఉందో..అంత అతఃపాతాళానికి వెళ్లిందని..అయితే ఈ సినిమాలో ఎలా చూపించబోతున్నారో అని రక రకాల వదంతులు పుట్టుకొచ్చాయి.
అయితే థియేటర్లో ‘మహానటి’సినిమా రిలీజ్ అయిన తర్వాత ఆమె జీవితం కళ్లకు కట్టినట్లు చూపించారు. చూసిన వారు కళ్లు చెమర్చాయి..ఎలాంటి విమర్శలకు తావివ్వలేదు. అంతే కాదు నటి సావిత్రి కుటుంబ సభ్యులు కూడా ఈ సినిమాపై ఎలాంటి అభ్యంతరాలు తెలపలేదు. అయితే మహానటి సావిత్రి సినిమా ఎక్కువ నిడివి ఉండటంతో కొన్ని సన్నివేశాలు తొలగించారట.
ఈ మద్య ఆ డిలీట్ చేసిన సన్నివేశాలు ఒక్కొక్కటిగా యూట్యూబ్ లో రిలీజ్ చేస్తున్నారు. మహానటి సినిమా విడుదల అవ్వడమే ఆలస్యం యునానిమస్ గా సూపర్ హిట్ టాక్ చాలా వేగంగా స్ప్రెడ్ అయ్యింది . దాంతో భారీ వసూళ్ల ని సాధిస్తూ వైజయంతి మూవీస్ బ్యానర్ వేల్యూ ని పెంచడమే కాకుండా పట్టరాని సంతోషాన్ని కూడా అందిస్తుంది.
మహానటి డిలీటెడ్ సీన్స్ యూట్యూబ్ లో వైరల్ అవుతున్నాయి . క్లాసికల్ గా నిలిచిపోయిన సినిమా కావడంతో ఆ మహానటి లోని మరిన్ని సన్నివేశాలను చూడాలని ఆతృతగా ఉన్నారు నెటిజన్లు అందుకే డిలీటెడ్ సీన్స్ కి కూడా బ్రహ్మాండమైన రెస్పాన్స్ వస్తోంది.
