రామ్ గోపాల్ వర్మ తో నాగ్ సినిమా తీస్తున్నాడంటే అందరు ఆశ్చర్య పోయారు. అయితే నాగ్ దీనికి పలు సార్లు వివరణ ఇచ్చుకున్నాడు. రామ్ గోపాల వర్మ చెప్పిన కథ నాకు ఎంతో బాగా నచ్చిందని అందుకే ఒప్పుకున్నానని చెప్పుకొచ్చాడు. అయితే ఈ సినిమా ట్రైలర్ అండ్ టీజర్ పెద్దగా జనాలను ఆకట్టుకోలేదు. ఈ సినిమా లో పెద్దగా కంటెంట్ లేదని అందరు పెదవి విరిచారు. ఈ సినిమా కు థియేటర్స్ కూడా తక్కువగానే దొరికాయి.
సినిమాను ఎక్కడా అమ్మలేకపోయినా, పంపిణీ పద్దతిలో ఇచ్చారు. పంపిణీ చేయడానికి ఏ సినిమాకైనా ప్రతి ఏరియాలోనూ జనాలు రెడీగా వుంటారు. అందువల్ల సమస్య కాలేదు. మొత్తం మీద నాలుగు వందల థియేటర్లలో ఆఫీసర్ విడుదలవుతోంది. దీనికి పోటీగా అభిమన్యుడు, రాజుగాడు విడుదలవుతున్నాయి. వాటిని మాత్రం ప్లాన్డ్ గా సెంటర్లను బట్టి థియేటర్లు, విడుదల ప్లాన్ చేసారు.
ఈ సినిమా మీద నాగ్ పెద్దగా హోప్స్ పెట్టకోలేదు కానీ, ప్రచారానికి మాత్రం లోటు చేయలేదు. ప్రెస్ మీట్ కు వచ్చాడు. వీలయినంత సేపు మాట్లాడారు. అంతకన్నా ఆయన ఏం చేయగలరు? సినిమాకు విడుదల చేసిన రెండు టీజర్లు, ట్రయిలర్ కు సరైన స్పందన రాలేదు. ఆ తరువాత సౌండ్స్.. సౌండ్స్ అంటూ ఏదో ప్రచారం చేసారు తప్ప, కంటెంట్ మీద కాదు. అందుకే నాగ్ ఓన్ అన్నపూర్ణ టీమ్ ఈ సినిమా విషయంలో జోక్యం చేసుకోలేదని తెలుస్తోంది.
