కెవ్వు కేక, అల్లరి, సీమటపాకాయ్‌, పుట్టింటికిరా చెల్లి వంటి చిత్రాలలో నటించి మెప్పించింది నటి అపూర్వ. వాంప్ పాత్రల నుండి క్యారెక్టర్ ఆర్టిస్టు వరకు తనకు ఇచ్చిన పాత్రకు వంద శాతం న్యాయం చేకూరుస్తుంది. అయితే ఈ మధ్య శ్రీరెడ్డి వివాదంలో ఈమె చురుగ్గా పాల్గొన్న సంగతి తెలిసిందే. కాస్టింగ్ కౌచ్ పై తన గళాన్ని విప్పిన సినీ ఆర్టిస్టుల్లో ఈమె కూడా ఒకరు.
తాజాగా ఒక ఇంటర్వ్యూలో పాల్గొన్న ఆమె కాస్టింగ్ కౌచ్ పై కొన్ని ఆసక్తికర వాఖ్యలు చేశారు. అమ్మాయిలు బాక్ గ్రౌండ్ లేకుండా ఇండస్ట్రీకి వెళితే ఖచ్చితంగా ఇబ్బందులు ఎదుర్కొంటారని ఆమె తెలిపింది. కొత్తగా వచ్చిన అమ్మాలని పడుకోవడానికి కమిట్మెంట్ పేరుతో వాడుకోవాలని భావిస్తారని, ఒక వేళ వాళ్ళు చెప్పినట్లు సహకరించకపోతే నరకాన్ని చూపిస్తారని, ఎవరూ మద్దతివ్వరని తెలిపింది.
ఇండస్ట్రీ కొత్తలో తనకు కూడా ఇలానే రెండు చేదు అనుభవాలు ఎదురయ్యాయని, వాటికి తలొగ్గలేదు అని తెలిపింది. రాజమౌళిలాంటి గారితో పనిచేస్తే ఎలాంటి ఇబ్బందులు ఎదురవవని తెలిపిన ఆమె ఇండస్ట్రీలో 60 శాతం మంచి వారు ఉంటే 40 శాతం చెడ్డవాళ్ళు ఉన్నట్లు చెప్పింది. హీరోయిన్ భూమిక గురించి మాట్లడుతూ, ఆమె సహృదయురాలని తెలిపింది. సహజంగా హీరో, హీరోయిన్లకు పరిచయాలు ఉంటాయి, కానీ భూమిక చాలా స్ట్రిక్ట్, ఆఖరుకి హీరోలు కూడా ఆమెతో మాట్లాడడానికి ఆలోచించేవారు అంటూ ఇండస్ట్రీలోని తన అనుభవాలను పంచుకుంది.
