సావిత్రి బయోపిక్ గా వచ్చిన మహానటి సినిమా వసూళ్ల ప్రభంజనం సృష్టిస్తుంది. ఇప్పటికే 35 కోట్లకు పైగా కలక్షన్స్ రాబట్టిన ఈ సినిమా రిలీజ్ అయిన సినిమాలేవి బాగా లేకపోవడంతో మహానటికి ఇంకా కలక్షన్స్ తగ్గడం లేదు. నాగ్ అశ్విన్ డైరక్షన్ లో వచ్చిన మహానటి సినిమా వైజయంతి బ్యానర్ లో అశ్వనిదత్ దత్ సమర్పణలో స్వప్న దత్, ప్రియాంకా దత్ నిర్మించారు.
ఇక ఈ సినిమా రిలీజ్ కు ముందు 5,6 కోట్ల శాటిలైట్ ఆఫర్ రాగా సినిమా మీద నమ్మకం ఉన్న అశ్వనిదత్ ఆఫర్ ను కాదన్నాడట. ఇక రిలీజ్ అయిన వారం లోనే ఈ సినిమా శాటిలైట్ ఆఫర్ 11 కోట్ల దాకా వచ్చాయట. అప్పటికి ఇంకా వెయిట్ చేద్దామనుకున్న నిర్మాతలు ఫైనల్ గా స్టార్ మాకు 15 కోట్లకు మహానటిని ఇచ్చేశారట.
5 నుండి 15 కోట్లు అంటే 10 కోట్లు ఎక్కువ.. ఈ సినిమాకు అయిన ఖర్చు పాతిక కోట్లు కలక్షన్స్ ఇప్పటికే మంచి లాభాలను తీసుకురాగా సినిమా శాటిలైట్ తో చూస్తే ఈ ఇయర్ బ్లాక్ బస్టర్ మూవీలో మహానటి ఒకటని చెప్పొచ్చు. అంచనాలకు మించి వసూళ్లను రాబట్టిన ఈ సినిమా నాగ్ అశ్విన్ అద్భుతంగా తెరకెక్కించారు.
కీర్తి సురేష్ లీడ్ రోల్ లో వచ్చిన ఈ సినిమాలో దుల్కర్ సల్మాన్, సమంత, విజయ్ దేవరకొండ నటించారు. మిక్కి జే మేయర్ సంగీతం కూడా సినిమాకు చాలా ప్లస్ అయ్యింది. మహానటి హిట్ తో సెట్స్ మీద ఉన్న బయోపిక్ సినిమాలకు ఇంకాస్త బాధ్యత పెరిగిందని చెప్పొచ్చు.
