ఇప్పటి వ‌ర‌కు తన లుక్ విష‌యంలో పెద్దగా మార్పు చూపించ‌ని మహేష్ తన 25వ సినిమాలో మాత్రం స‌రికొత్త‌గా క‌నిపించ‌నున్నాడ‌ని కొన్నాళ్ళుగా జోరుగా ప్ర‌చారం జ‌రుగుతుంది. భారీ గ‌డ్డం, మీసాల‌తో క‌నిపించ‌నున్నాడ‌ని పుకార్లు షికారు చేశాయి. ఈ క్ర‌మంలో మహేష్ భార్య న‌మ్ర‌త ఇటీవ‌ల పోస్ట్ చేసిన ఫోటో వీటికి మరింత బ‌లం చేకూర్చింది. ఎవరు ఏమనుకున్నా.. ఇండియన్ సినిమాల్లో ప్రస్తుతం ఎక్కడ వెతికినా.. బెస్ట్ హ్యాడ్సమ్ హీరో మహేష్ మాత్రమే. అందులోడౌట్ లేదు.
చూడగానే అక్కట్టుకునే లుక్ సూపర్ స్టార్ మహేష్ సొంతం. స్మైల్ కి ఉదాహరణ మహేష్ అని చెప్పుకోవచ్చు. మహేష్ తన లుక్ లో పెద్దగా మార్పులు చేయడని అందరికి తెలిసిందే. అతడు సినిమాలో హెయిర్ స్టైల్ కి అతిధి హెయిర్ స్టైల్ తప్పితే పెద్దగా కెరీర్ లో తేడాలు కనిపించవు. ఇక భ‌ర‌త్ అనే నేను తర్వాత ఫ్యామిలీతో విదేశాల‌కి వెళ్ళిన మహేష్ రీసెంట్‌గా ఇండియాకి చేరుకున్నారు.
ఎయిర్‌పోర్ట్‌లో మ‌హేష్‌ని త‌మ కెమెరాలో బంధించారు ఫోటోగ్రాఫ‌ర్స్ . ఆ ఫోటోలు ఇప్పుడు సోష‌ల్ మీడియాలో వైర‌ల్ అయ్యాయి. ఇందులో మహేష్ లుక్ ఆక‌ట్టుకుంటుంది. గ‌తంలో ఎప్పుడూ క‌నిపించ‌ని లుక్‌లో మహేష్ క‌నిపిస్తుండే స‌రికి అభిమానుల‌లో ఆనందం క‌ట్టలు తెంచుకుంటుంది. రాయలసీమ నేప‌థ్యంలో తెర‌కెక్క‌నున్న మహేష్ 25వ చిత్రం భారీ హిట్ కొట్టడం ఖాయ‌మ‌ని ఫ్యాన్స్ జోస్యాలు చెబుతున్నారు.
నెక్స్ట్ వంశీ పైడిపల్లి సినిమా కోసం కొంచెం కొత్తగా ట్రై చెయ్యాలని సూపర్ స్టార్ అనుకుంటున్నాడు. సాఫ్ట్ గా కనిపించే మహేష్ మాస్ లో లుక్ లో కూడా కూల్ గా ఉన్నాడు. మొత్తానికి షాక్ ఇచ్చిన మహేష్ సినిమాలో ఎలా కనిపిస్తాడో చూడాలి. వంశీ ప్రాజెక్టును దిల్ రాజు - అశ్వినీదత్ సంయుక్తంగా నిర్మిస్తుండగా పూజ హెగ్డే హీరోయిన్ గా నటిస్తోంది.
