హిందీలో ప్రసారమయి హిట్ సాధించిన బిగ్ బాస్ కార్యక్రమ ధైర్యంతో ప్రాంతీయ భాషల్లో కూడా టీవీ సంస్థల యజమానులు బిగ్ బాస్ ను ఆయా భాషల్లో ప్రసారం చేశారు. వారి అంచనాలకు తగ్గట్టుగానే ఈ షో ప్రాంతీయ భాషల్లో కూడా ఘన విజయం సాధించింది. ఈ ధైర్యంతోనే తెలుగులో ఆ కార్యక్రమ ప్రసార టీవీ ఛానల్ ఈసారి రెండో సీజన్ కు ముహూర్తం ఖరారు చేసిన సంగతి తెలిసిందే.
మొదటి సీజన్లోహోస్ట్ గా వ్యవహరించిన ఎన్టీఆర్ సినీమాల్లో బిజీ అయిపోవడంతో ఇప్పుడు నేచురల్ స్టార్ నాని హోస్ట్ గా వ్యవహరించబోతున్నాడు. అయితే ఇంత వరకూ షోకు ఎంపికైన పదహారు సెలబ్రిటీల పేర్లు బయటపెట్టలేదు. అయితే గత కొన్ని రోజులుగా ఆ షోలో పాల్గొనే సెలెబ్రిటీలు వీల్లేనంటూ ఒక జాబితా ఇంటర్నెట్లో తెగ చక్కర్లు కొడుతోంది. ఈ జాబితాలో వివాదాస్పద నటి శ్రీరెడ్డి కూడా ఉండటం గమనార్హం.
అయితే ఆమె నేడు ఫేసుబుక్లో చేసిన పోస్టును బట్టి ఆమె బిగ్ బాస్ లో పాల్గొనబోతున్నదని స్పష్టంగా తెలుస్తోంది. ఈ మధ్య నాని వ్యక్తిత్వం ఉద్దేశించి ఫేసుబుక్లో వివాదస్పద పోస్టులు చేస్తున్న ఆమె నేడు చేసిన పోస్టులో తాను బిగ్ బాస్ షో లో పాల్గొనబోతున్నట్లు సంకేతాలను అందించింది. నాని మరియు శ్రీరెడ్డి కలిస్తే డర్టీ పిక్చరే, త్వరలోనే మీ ముందుకు వస్తుంది అని తెలిపింది. ఈమె పోస్టును బట్టి చూస్తే నాని బిగ్ బాస్ హోస్ట్, తాను ఆ షోలో కంటెస్టెంట్ అని తెలిపి, అందుకే ఇలా ఇద్దరిని కలిపి చెప్పినట్లుగా అర్థమవుతుంది. ఈనెల పదవ తేది బిగ్ బాస్ మొదలవుతుంది కాబట్టి త్వరలొనే వీరిద్దరు కలవబోతున్న సంకేతాలను కూడా అందించిందని తెలుస్తోంది.
