మెగా ఫ్యామిలీ నుండి మరో హీరో ఎంట్రీ షురూ అయిన సంగతి తెలిసిందే. మెగా అల్లుడు కళ్యాణ్ దేవ్ విజేత సినిమాతో రాబోతున్నాడు. రాకేష్ శషి డైరక్షన్ లో వస్తున్న ఈ సినిమా వారాయి చలనచిత్ర బ్యానర్ లో సాయి కొర్రపాటి నిర్మిస్తున్నారు. ఇక ఈ సినిమా ఆడియో రిలీజ్ ఈ నెల 24న రిలీజ్ చేయాలని చూస్తున్నారట.
తండ్రి కొడుకుల సెంటిమెంట్ కథతో వస్తున్న ఈ సినిమాలో కళ్యాణ్ దేవ్ లుక్ బాగుంది. ఇక ఈ సినిమా ఆడియోకి మెగా హీరోలంతా కలిసి వస్తున్నారట. మెగాస్టార్ చిరంజీవితో పాటుగా రాం చరణ్, అల్లు అర్జున్, వరుణ్ తేజ్, సాయి ధరం తేజ్ అటెండ్ అవనున్నారట. ఇక పవన్ కళ్యాణ్ కూడా ఈ ఆడియోకి వచ్చేలా చూస్తున్నారట.
కొన్నాళ్లుగా మెగా హీరోలంతా ఎవరికి వారు అన్న తీరున ఉన్నారు. ఫ్యాన్స్ లో కూడా చీలిక వచ్చిందని తెలుస్తుంది. అయితే ఈ మెగా కలయికతో ఒక్కసారిగా అన్ని రూమర్స్ కు చెక్ పెట్టేయాలని చూస్తున్నారు. ఇక కళ్యాణ్ దేవ్ విజేత సినిమా ఫస్ట్ లుక్ మెగా అభిమానులను ఆకట్టుకుంది.
ఈ సినిమా ప్రమోషన్స్ లో భాగంగా మెగా హీరోలంతా ఆడియో వేడుకకి రావడం గొప్ప విషయమని చెప్పొచ్చు. మెగా ట్యాగ్ తో వస్తున్న కళ్యాణ్ దేవ్ మొదటి సినిమాతోనే క్రేజీ అటెంప్ట్ చేస్తున్నాడు. మరి సినిమాతో కుర్రాడు ఎలాంటి ఫలితాన్ని అందుకుంటాడో చూడాలి.
