టాలీవుడ్ లో అందాల తారగా పేరు తెచ్చుకున్న హీరోయిన్ అనుష్క షెట్టి. తెలుగు, తమిళ ఇండస్ట్రీలో స్టార్ హీరోల సరసన నటించిన అనుష్క కెరీర్ బిగినింగ్ లో హాట్ గా..గ్లామర్ గా కనిపించింది. అరుంధతి సినిమా తర్వాత గ్లామర్ పాత్రలు తగ్గించి నటనకు మాత్రమే ఎక్కువ ప్రాధాన్యత ఇవ్వడం మొదలు పెట్టింది. అరుంధతి, రుద్రమదేవి, సైజ్ జీరో, భాగమతి సినిమాల్లో అనుష్క నటనకు ప్రేక్షకులు ఫిదా అయ్యారు. అయితే బాహుబలి పార్ట్ 1 లో డీ గ్లామర్ గా కనిపించిన అనుష్క..బాహుబలి 2 లో అందాల మహారాణిగా కనిపించింది.
ఇండస్ట్రీలో మిర్చి సినిమాలో ప్రభాస్ సరసన నటించిన అనుష్క తర్వాత బాహుబలి, బాహుబలి 2 లో నటించిన విషయం తెలిసిందే. గత కొంత కాలంగా ప్రభాస్, అనుష్క మద్య ప్రేమాయణం కొనసాగుతుందని..త్వరలో వీరిద్దరూ పెళ్లి కూడా చేసుకోబోతున్నారని తెగ వార్తలు వచ్చాయి. అలాంటిది ఏమీ లేదని వీరిద్దరూ క్లారిటీ ఇచ్చారు. తాజాగా అనుష్క షెట్టి త్వరలోనే పెళ్లిపీటలు ఎక్కబోతోందనే వార్త వైరల్ అవుతోంది. దీనికి సంబంధించి ఓ జాతీయ మీడియా ఆసక్తికర కథనాన్ని ప్రచురించింది. ఈ ఏడాది చివర్లో అనుష్క పెళ్లి జరిగే అవకాశం ఉందని ఆ కథనంలో పేర్కొంది.
వాస్తవానికి బాహుబలి సినిమా పూర్తయిన తర్వాత అనుష్కకు పెళ్లి చేయాలని ఆలోచనలో కుటుంబ సభ్యులు ఉండగా..భాగమతి సినిమా కోసం వెయిట్ చేయాల్సి వచ్చింది. ప్రస్తుతం అనుష్క సినిమాలు తగ్గించడంతో..పెళ్లి ప్రయత్నాలు తీవ్రంగా మొదలు పెట్టినట్లు తెలుస్తుంది. అనుష్కకు సరైన జోడీ దొరికితే, వెంటనే పెళ్లి పనులు ప్రారంభమవుతాయని తెలిపింది. మరోవైపు హీరో ప్రభాస్, అనుష్కలు పెళ్లి చేసుకోబోతున్నారంటూ ఎప్పటి నుంచో వార్తలు వెలువడుతున్న సంగతి తెలిసిందే. అయితే, అవన్నీ రూమర్లే అంటూ ఇద్దరూ కొట్టిపడేశారు
