బిగ్ బాస్ సీజన్ 2 ఎంత గ్రాండ్ గా మొదలయినా మొదటి సీజన్ తో పోలిస్తే అంతగా ఆకట్టుకోలేకపోతుంది అనేది ప్రతీ  ప్రేక్షకుడిలోని భావన. అయితే ఎలాగోలా మొదటి వారాన్ని పూర్తి చేసుకున్న ఈ షో నుండి మొదటి ఎలిమినేషన్ ప్రక్రియలో సంజన అనే పోటీదారు నిష్క్రమణకు గురయింది. అయితే అనూహ్యంగా మొదటి వారంలోనే వైల్డ్ కార్డు ఎంట్రీ ద్వారా నందినీ రాయ్ అనే అమ్మాయిని బిగ్ బాస్ హౌస్  లోకి పంపించాలని బిగ్ బాస్ టీమ్ తీసుకున్న నిర్ణయం ప్రేక్షకులను ఆశ్చర్యానికి గురిచేసింది. అయితే గత వారమే ఎంట్రీ ఇవ్వాల్సి ఉన్నా ముఖం మీద గాయాలు అవడంతో లేట్ ఎంట్రీ ఇస్తున్నానని ఆమె చెప్పడం గమనార్హం.


కాగా ఈమెను మొదటిసారి చూసిన వారందరూ ఈమె కామన్ మ్యాన్ అని భ్రమపడి ఉంటారు. అయితే ఈమె గురించి తెలిస్తే మాత్రం అవునా! అని నోరెళ్లబెట్టక మానరు. నందినీ రాయ్ అలియాస్ నీలం రాయ్ గౌహ్రాని మన తెలుగమ్మాయే. ఇటు మోడల్ గా అటు హీరోయిన్ గా రానిస్తూ తనకంటూ ఒక స్థానాన్ని ఏర్పరచుకుంది. మోడల్ గా కెరీర్ ను స్టార్ట్ చేసినప్పుడే  పలు టైటిళ్లను తన ఖాతాలో వేసుకుంది. తన మోడలింగ్ కాలంలో 2008 లో మిస్ హైదరాబాద్ టైటిల్ ను, 2010 లో మిస్ అంధ్రప్రదేశ్ టైటిల్ ను సాధించింది. మోడల్ గా తన కెరీర్ ను కొనసాగిస్తూనే  రానురాను అన్ని దక్షిణాది చిత్రాలలో మాత్రమే గాక బాలీవుడ్ లో సైతం నటించి మెప్పించింది.   


ఇక ఈమె మోడలింగ్ చేసిన ఉత్పతుల గురించి తెలిస్తే షాక్ అవుతారేమో! జాతీయ మరియు అంతర్జాతీయ బ్రాండ్లతో కలిపి దాదాపు 80 బ్రాండ్లకు మోడల్ గా వ్యవహరించింది. బ్యూటీ విత్ బ్రెయిన్ అనే వాక్యానికి ఈమె కూడా ఒక ఉదాహరణ. చిన్నప్పుడు విద్యాభ్యాసం అంతా హైదరాబాదులోనే సాగినా ఉన్నత చదువులు మాత్రం లండన్ లో అభ్యసించింది. ఎంబీఏ లోని ఫైనాన్స్ విభాగం నుండి పట్టాను అందుకుంది. ఐదు భాషల చిత్రాలు, 80 బ్రాండ్ల ప్రకటనలు ఇవ్వలేని పేరు బిగ్ బాస్ షో ఈమెకు ఇస్తుందని ఊహించడంలో ఏ మాత్రం సందేహం లేదు. 


మరింత సమాచారం తెలుసుకోండి: