అమెరికాలో వెలుగుచూసి, టాలీవుడ్ లో కలకలం రేపుతున్న విషయం తెలిసిందే. ఇదిలా ఉంటే.. ఈ కేసులో కీలక నింధితులు మోదుగుమూడి కిషన్, చంద్రకళ ఇంట్లో సోదాలు నిర్వహించామని, ఆపై మొత్తం దందా గురించిన సమాచారం బయటకు వచ్చిందని అధికారులు అంటున్నారు. తాజాగా టాలీవుడ్ హీరోయిన్లు ఈ విషయంపై ఒక్కొక్కరూ స్పందిస్తున్నారు. గతంలో తమను కూడా ఈ సెక్స్ రాకేట్ లో లాగాలని ప్రయత్నించారని..వారిని పక్కన బెట్టానని ఈ మద్య యాంకర్ అనసూయ అన్నారు.
తాజాగా టాలీవుడ్ జరుగుతు కాస్టింగ్ కౌచ్, అమెరికా సెక్స్ రాకెట్ పై స్పందించిన మా అధ్యక్షుడు శివాజీ రాజా మాట్లాడుతూ..అమెరికాకు వెళ్లే ప్రతి హీరోయిన్ ఎక్కడికి వెళుతుందో, ఏమి చేస్తుందో తెలుసుకునే పరిస్థితి ఉండదని అలా వారిపై నిఘా పెట్టే డ్యూటీ మేం చేయలేం కదా అన్నారు. టాలీవుడ్ ను కుదిపేస్తున్న అమెరికా సెక్స్ రాకెట్ పై స్పందించిన ఆయన, ఏవైనా అసోసియేషన్ లు తాము జరిపే కార్యక్రమాలకు ఆహ్వానించినప్పుడు, వాటి చరిత్ర గురించి నటీమణులు తెలుసుకునే ప్రయత్నం చేయాలని, తగు జాగ్రత్తలు తీసుకునే అక్కడికి వెళ్లాలని ఆయన సూచించారు.
వీసా నిబంధనలు పూర్తిగా అవగతం చేసుకున్న తరువాత, తాము సురక్షితంగా ఉంటామని, ఎటువంటి ఇబ్బందులూ ఎదురుకావని అనుకున్నప్పుడే వెళ్లాలని సలహా ఇచ్చారు. కొంత మంది పర్సనల్ ట్రిప్పులని వెళ్తారు..కుటుంబంతో వెళ్తారు అలాంటి వారిని మేం నివారించలేమని అన్నారు. ఎవరికైనా ఆహ్వానాలు అందితే, ఆ వివరాలు తమకు తెలపాలని, సదరు ఈవెంట్ నిర్వాహకుల గత చరిత్రను పరిశీలించి సలహాలు ఇస్తామని తెలిపారు. అమెరికా సెక్స్ రాకెట్ పై చర్చించేందుకు 24న ప్రత్యేకంగా సమావేశం కానున్నామని ఆయన అన్నారు. ఈ సమావేశంలో సినీ పరిశ్రమ తరఫున తీసుకోవాల్సిన జాగ్రత్తలపై చర్చించనున్నట్టు తెలిపారు.
