ఈ మద్య మల్టీస్టారర్ సినిమాల జోరు పెరిగిపోయింది. ఈ నేపథ్యంలో విక్టరీ వెంకటేష్, మెగా హీరో వరుణ్ తేజ్ కాంబినేషన్ లో ఓ సినిమా వస్తుంది. పటాస్, సుప్రీం, రాజా ది గ్రేట్ సినిమాల్లో కామెడీకి పెద్ద పీట వేసి సూపర్ హిట్స్ కొట్టిన దర్శకుడు అనిల్ రావిపూడి ఈసారి వెంకటేష్, వరుణ్ తేజ్ లతో కామెడీ పండిస్తానంటున్నాడు. సినిమాలో హీరో కి హీరోయిజం తోపాటు కామెడీ ని కూడా మిక్స్ చేసి హీరోలతో కామెడీ డైలాగ్స్ చెప్పించగల సత్తా ఉన్న దర్శకుడు అనిల్ రావిపూడి.
వెంకటేశ్ .. వరుణ్ తేజ్ కథానాయకులుగా నటించనున్న ఈ సినిమాకి 'ఎఫ్ 2' అనే టైటిల్ ను ఖరారు చేశారు. ఈ సినిమాలో వెంకటేశ్ .. వరుణ్ తేజ్ పాత్రలు ఎలా వుండనున్నాయనే ఆసక్తి అందరిలోను తలెత్తుతోంది. ఈ సినిమాలో ఇద్దరూ 'తోడల్లుళ్లు'గా కనిపించనున్నారనేది తాజా సమాచారం. ఈ సినిమాకి సంబంధించిన ప్రీ ప్రొడక్షన్ పనులు చివరిదశకు చేరుకున్నాయి.
ఈ నెల 23వ తేదీన ఈ సినిమా పూజా కార్యక్రమాలను నిర్వహించనున్నారు. 30వ తేదీన ఈ సినిమా రెగ్యులర్ షూటింగును హైదరాబాద్ లో మొదలుపెట్టి .. జూలై 20వ తేదీ వరకూ నాన్ స్టాప్ గా జరపనున్నారు. వీరిద్దరూ తోడల్లుళ్లు అంటే… హీరోయిన్స్ ఇద్దరూ అక్క చెల్లెళ్లుగా నటిస్తారన్నమాటేగా… ప్రస్తుతం ప్రీ ప్రొడక్షన్ పనుల్లో బిజీగా వున్నా అనిల్ రావిపూడి.. స్క్రిప్ట్ వర్క్ ని పూర్తి చేసాడంటున్నారు.
వచ్చే శనివారం అంటే జూన్ 23 నే ఈ సినిమాకి పూజ కార్యక్రమాలు నిర్వహించి రెగ్యులర్ షూటింగ్ మొదలెట్టేయ్యాలనే ప్లాన్ లో ఇద్దరు హీరోలు, దర్శకుడు అండ్ నిర్మాత దిల్ రాజు ఉన్నట్లుగా తెలుస్తుంది. ఈ సినిమాలో యాంకర్ అనసూయ ఒక కీ రోల్ ప్లే చేస్తుండగా… తమన్నా వెంకటేష్ సరసన, వరుణ్ సరసన మెహరీన్ నటిస్తున్నారు.
