హుందా తనం కొట్టొచ్చే ప్రవర్తన చూడగానే ఆకట్టుకునే అందం నెమ్మదైన మృదువైన స్వభావం ఆనుష్క షెట్టిని స్వీటీగా మార్చి ప్రేక్షకులకు బాగా దగ్గరకు తెసుకెళ్ళింది. మీడియా తో తన అభిప్రాయాలను పంచుకున్నారు స్వీటీ. సినిమా, సినిమాకీ మధ్య సమయం ఉంటే ఫర్వాలేదు. అంతకు ముందు సినిమాలో చేసిన పాత్ర గురించి మర్చిపోయి మళ్లీ తాజాగా సెట్లో అడుగుపెట్టవచ్చు. అలా కాకుండా ఒకేసారి రెండు సినిమాల్లో నటించవలసి వస్తేనే అసలు సమస్య వస్తుందన్నారు.
వరుసగా చేసే సినిమాల్లో భిన్న విభిన్న పాత్రలు ఉంటే ఏం చేస్తారు? ఎలా నటిస్తారు? ఈ ప్రశ్నకు అనుష్క సమాధానమిచ్చారు. ‘‘బబ్లీ బబ్లీగా ఉండే కమర్షియల్ పాత్రల ను చేసినప్పుడు కాస్ట్యూమ్స్, లొకేషన్స్, టీమ్ చేంజ్ తప్ప పెద్దగా మార్పు ఉండదు. దర్శకుడు చెప్పిన విషయాలను సరదాగా చేసుకుంటూ పోవడమే. ంఆనసికంగా పెద్ద వత్తిడి అనిపించదు. కానీ ఒకసారి అలాంటి పాత్రలకు భిన్నంగా బరువైన పాత్రలను చేయాల్సినప్పుడు అసంకల్పితంగా నాలో ఒక రకమైన బాధ్యత పెరుగుతుందని అదే నన్ను ఆ పాత్రధారణకు సిద్ధం చేస్తుందని - కథ వింటున్నప్పుడే తెలియని హుందా తనం నాలో చోటు చేసుకుంటుందని ఆమె చెప్పారు.
“మనసులో ప్రతిసెకనుకు వేల ఫ్రేములు నాపాత్ర గురించి నేను డిజైన్ చేసుకుంటూ ఉంటాను. ంఆనసికంగా ఆ పాత్రలో ప్రవేశానికి సిద్ధమౌతూ ఉంటాను. యాదృచ్చికం గా ఆ కాస్ట్యూమ్స్, యాక్ససరీస్, సెట్ వాతావరణం అన్నీ నన్ను ఆ పాత్రలోకి పరకాయ ప్రవేశం చేయిస్తాయి’’ అని అన్నారు.
‘బాహుబలి’లో ప్రభాస్ భుజాలపై నడవడం గురించి మాట్లాడుతూ అది మీకు తప్పనిపించలేదా అన్న ప్రశ్నకు ‘‘మరొకరి భుజాలపై నడవటం తప్పే . కానీ ‘దేవసేన’కు అది తప్పదు. ఆమె దృష్టిలో అది తప్పు కూడా కాదు’’ అని హృద్యమమైన సమాధానంతో అందరిని ఆకట్తుకున్నారు.
మరో సందర్భంలో అనుష్క సాధారణానికి భిన్నంగా స్పందించారు. ఈ మాటలు మామూలు అమ్మాయి నోటివెంట వస్తే పెద్దగా ఆశ్చర్యపడనక్కర్లేదు కానీ, టాలీవుడ్ జేజమ్మ ఈ మాటలు చెప్పిందంటే కొద్దిగా ఆశ్చర్యపడాల్సిందే! నిన్న మొన్నటి వరకూ సినిమాలూ, షూటింగ్లూ అంటూ బిజి బిజీగా గడిపేసిన అనుష్కకు పెళ్ళి మీద మనసు పోయినట్టుంది. అందుకే పై విధంగా వ్యాఖ్యానించింది.
తన ఈడు వారందరికీ పెళ్ళిళ్ళు జరుగుతున్నాయనీ, తనకు కూడా పెళ్ళి చేసుకుని పిల్లల్ని కనాలని ఉందని ఇటీవల ఓ ఇంటర్వ్యూలో చెప్పుకొచ్చింది. పెళ్ళికి అనుష్క కూడా గ్రీన్ సిగ్నల్ ఇచ్చేసింది కనుక ఇంట్లో వాళ్ళు త్వరలోనే మంచి పెళ్ళికొడుకుని నిర్ణయిస్తారని అంటున్నారు ఆమె సన్నిహితులు.