బాలీవుడ్ లో రిలీజ్ అయినా సంజు మీద చాలా అంచనాలు నెలకొని ఉన్నాయి. ఈ సినిమా రిలీజ్ కు ముందు చాలా హైప్ ఉంది. దానికి తగ్గట్టు గానే సినిమా మొదటి రోజు వసూళ్లను కొల్లగొట్టింది. దీనితో ఈ సినిమా అన్ని రికార్డులను తన పేరు మీద రాసుకున్నది. సంజయ్ దత్ జీవిత కథ ఆధారంగా తెరకెక్కింది ఈ సినిమా. సినిమాపై సృష్టించిన హైప్ కు జనాలు థియేటర్ల ముందు క్యూ కట్టడంతో సంజు సినిమా ఒక్క ఇండియాలోనే తొలి రోజు 34 కోట్లు 75 లక్షల రూపాయల నెట్ సాధించింది.
ఈ ఏడాది ఇదే బిగ్గెస్ట్ రికార్డు. మొదటి రోజు అత్యధిక వసూళ్లు సాధించిన సినిమాల్లో ఈ ఏడాది రేస్-3, బాగి-2, పద్మావత్ తొలి 3 స్థానాల్లో నిలిచాయి. సల్మాన్ నటించిన రేస్-3కి తొలి రోజు 29 కోట్ల రూపాయలొచ్చాయి. అలాగే బాగి-2కు 25 కోట్లు, పద్మావత్ కు 20 కోట్లు వచ్చాయి. సంజు రాకతో రేస్-3 రెండో స్థానానికి పడిపోయింది.
సంజయ్ దత్ 308 మందితో ఎలా డేటింగ్ చేశాడు? వాళ్లందర్నీ దశలవారీగా ఎలా మెయింటైన్ చేశాడనే విషయాల్ని సినిమాల్లో విడమర్చి చూపించేస్తారని అంతా భ్రమపడ్డారు. అందుకే తొలి రోజు థియేటర్లన్నీ నిండిపోయాయి. కానీ అది కేవలం డైలాగ్ కు మాత్రమే పరిమితమైంది. దీనికి తోడు కంటెంట్ పై విమర్శలు కూడా చెలరేగడంతో సోమవారం నుంచి ఈ సినిమా పరిస్థితేంటనేది ఆసక్తికరంగా మారింది.
