బాలయ్య తన తండ్రి ఎన్టీఆర్ బయోపిక్ లో నటిస్తిన్న సంగతీ తెలిసిందే. అయితే ఈ సినిమా లో యంగ్ ఎన్టీఆర్ పాత్రలో ఎవరినీ పెట్టాలో యూనిట్ కి అర్ధం కావడం లేదు. అయితే జూనియర్ ఎన్టీఆర్ అయితే ఈ పాత్రకు సరిపోతాడన్న సంగతీ అందరికీ తెలిసిందే. అయితే ఇప్పట్లో జూనియర్ ఎన్టీఆర్ నటించడం అసాధ్యం అని చెప్పొచ్చు. ఎందుకంటే బాలయ్య కు ఎన్టీఆర్ కి మధ్య ఉన్న రిలేషన్స్ అందరికీ తెలిసిందే.
దీనికి గతంలో బయోపిక్ కు ఒకటో కృష్ణుడు టైప్ లో వ్యవహరించిన దర్శకుడు తేజ ఓ మధ్యే మార్గం కనిపెట్టారు. అదేంటీ అంటే యంగ్ హీరో శర్వానంద్ ను యంగ్ ఎన్టీఆర్ పాత్రలో అక్కడక్కడ చూపిద్దామని. సినిమాల్లోకి వచ్చి, రెండు మూడు సంఘటనలు చూపించిన తరువాత బాలయ్య ను తెరపైకి తెచ్చేద్దామని తేజ ప్రతిపాదించారు. దానికి దాదాపుగా బాలయ్య కూడా ఓకె అన్నారు. అయితే ఇప్పుడు ఆ సినిమాకు రెండో కృష్ణుడు ఎంట్రీ ఇచ్చారు. అదే దర్శకుడు క్రిష్. ఆయన మొత్తం ప్లాన్ లు మార్చేస్తున్నారు. అందులో ఒకటేమిటంటే, యంగ్ ఎన్టీఆర్ గా కూడా ఎక్కువగా బాలయ్యనే చూపించాలన్నది.
శర్వానంద్ ను వాడుకున్నా కూడా వీలయినంత తక్కువ వాడాలని, సినిమాల్లోకి ఎంట్రీ దగ్గర నుంచి బాలయ్యనే చూపించాలని అనుకుంటున్నారట. ముఖ్యంగా పాతాలభైరవి లాంటి క్లాసిక్ ఎపిసోడ్ లు బయోపిక్ లో కొన్ని వున్నాయట. వీటన్నింటిని బాలయ్యతోనే చేయాలని అనుకుంటున్నారట. అందుకోసం ఇప్పుడు కొత్తగా అందుబాటులోకి వచ్చిన డిజిటల్, గ్రాఫిక్స్, కరెక్షన్ లాంటి టెక్నాలజీని ఎక్కువగా వాడతారట. అంటే బాహుబలి 2 కోసం అనుష్క కోసం ఎక్కువగా వాడారని ఆ మధ్య వినిపించింది. అంటే మనిషిని వీలయినంత డిజిటల్ గా చెక్కేయడం అన్నమాట.
