సినిమా ఇండస్ట్రీల స్టార్ హీరోల వారసులు హీరోలుగా ఎంట్రీ ఇస్తున్న సమయంలో దర్శక, నిర్మాత తనయులు కూడా హీరోలుగా ఎంట్రీ ఇచ్చారు. ఇక క్యారెక్టర్ పాత్రల్లో నటించే వారి వారసులు కూడా సినీ ఇండస్ట్రీలోకి ఎంట్రీ ఇచ్చారు. అలాంటి వారిలో ఒకప్పుడు విలన్ గా నటించి ఇప్పుడు తాతయ్య పాత్రల్లో నటిస్తున్న నటుడు చలపతిరావు తనయుడు రవిబాబు హీరోగా కాకుండా దర్శకుడిగా ఎంట్రీ ఇచ్చాడు. మొదటి సినిమా ‘అల్లరి’ తో తనదైన కామెడీ పండించాడు రవిబాబు. ఈ సినిమాతోనే అల్లరి నరేష్ పరిచయం అయ్యాడు.
ఆ తర్వాత కామెడీ, థ్రిల్లర్, హర్రర్ లాంటి సినిమాలతో ఆకట్టుకున్నాడు రవిబాబు. ఓ వైపు సినిమాలకు దర్శకత్వం వహిస్తూనే నటుడిగా కొనసాగుతున్నారు. తాజాగా రవిబాబు ఏం చేసినా తనదైన ప్రత్యేకత చాటుకునే ప్రయత్నం చేస్తుంటారు. కొన్ని రోజులుగా సోషల్ మీడియాలో ట్రెండింగ్ అవుతున్న ఫిట్ నెస్ ఛాలెంజ్ ఆయన తనదైన శైలిలో చేశారు. 'హమ్‌ ఫిట్‌తో ఇండియా ఫిట్' భాగంగా ఆయన తన పెంపుడు పంది పిల్లతో ఫిట్ నెస్ ఛాలెంజ్ చేశారు. తన తాజా మూవీ 'అదుగో'లో ఈ పంది పిల్లనే ప్రధాన పాత్రగా పెట్టి రూపొందిస్తున్న సంగతి తెలిసిందే.
బంటి ఫిట్‌నెస్‌ కోసం వ్యాయామం చేయగలుగుతోందని, మరి మీరు ఎందుకు చేయరని రవి బాబు వ్యాఖ్యానించారు. ఇది పంది పిల్ల (బంటి) చుట్టూ తిరిగే కథ అని, ఆద్యంతం వినోదాన్ని పంచుతుందని రవిబాబు వెల్లడించారు. అభిషేక్, నాభ హీరోహీరోయిన్లుగా నటిస్తున్నారు.ఈ సినిమా ప్రమోషన్స్‌లో భాగంగా ఆయన తరచూ పంది పిల్లతో ఏదో ఒక వీడియో పోస్టూ చేస్తూ వార్తల్లో నిలుస్తున్నారు.
ఇప్పటి వరకు జంతువులకు ప్రాధాన్యత ఇస్తూ ఎన్నో సినిమాలు వచ్చాయి. ఒకప్పుడు విఠలాచార్య సినిమాల్లో పాము, కోతి, కుక్క లాంటివాటికి ఖచ్చితంగా ప్రాముఖ్యత ఇచ్చేవారు. ఇక టెక్నాలజీ ఉపయోగించిన ఆ మద్య రాజమౌళి ‘ఈగ’సినిమాతో సెన్సేషన్ క్రియేట్ చేశారు. ఇప్పుడు రవిబాబు డిఫరెంట్ కాన్సెప్టు కావడంతో ఏం చూపించబోతున్నారో? అని అంతా ఆసక్తిగా ఎదురు చూస్తున్నారు. ఫ్లయింగ్ ప్రాగ్స్ ప్రొడక్షన్స్, సురేష్ ప్రొడక్షన్స్ సంయుక్తంగా నిర్మిస్తున్న ఈ చిత్రం త్వరలోనే ప్రేక్షకుల ముందుకు రాబోతోంది.
When Bunty can do it, why can't you 💪 #HumFitTohIndiaFit #Adhugo #Bunty #RaviBabu pic.twitter.com/sfra0qT5oL
— BARaju (@baraju_SuperHit) July 2, 2018
