“అందానికి అందం ఈ పుత్తడి బొమ్మా! అందరికి ఈ అందనిది ఈ పూచిన కొమ్మా!” లాంటి విశ్వనాద్ బొమ్మ అందగత్తే టాలీవుడ్ సిరిసిరిమువ్వ జయప్రద. విశ్వనాథ్ దర్శకత్వంలో నటించారు. అలాగే బాలచందర్ దర్శకత్వంలో తొలి చిత్రం ‘అంతులేని కథ’ ఒకే సంవత్సరం నటించారు. ఈ రెండు సినిమాలు అద్భుత విజయం సాధించి తొలి ప్రయత్నంలోనే స్టార్ స్థాయికి చేరటం జరిగింది.
టాలీవుడ్ పరిశ్రమలో "క్యాస్టింగ్ కౌచ్" వివాదంపై విపరీతంగా చర్చ జరిగింది, జరుగుతుంది. సినిమాల్లో అవకాశాల ఆశలు చూపి అమ్మాయిలను పడకపై వాడుకుంటున్నా రని శ్రీరెడ్డి లాంటి వారు బహిరంగంగానే వెల్లడించారు. సినీ పరిశ్రమలో 'క్యాస్టింగ్ కౌచ్' కొత్తేమీ కాదని, ఎప్పటి నుంచో నడుస్తున్న వ్యవహారమని చాలా మంది సినీ పెద్దలు ఒప్పుకున్నారు. అయితే ఈ వివాదంపై తాజాగా సీనియర్ భారతీయ కథానాయిక, సమాజ్వాది పార్టీ మాజీ ఎంపీ జయప్రద స్పందించారు.
తనకెప్పుడూ క్యాస్టింగ్ కౌచ్ అనుభవం ఎదురు కాలేదని జయప్రద చెప్పారు. అతి చిన్న వయసులోనే అంటే 14యేళ్ళ వయసులోనే సినిమాల్లోకి రావడం, తొలి చిత్రం నుండి వరుస విజయాలుండటమే దీనికి కారణమని స్పష్టం చేశారు. బెంగాలీ డైలీ "ఆనంద్ బజార్ పత్రిక" కు ఇచ్చిన ఇంటర్వ్యూ లో క్యాస్టింగ్ కౌచ్పై జయప్రద పలు విషయాలు వెల్లడించారు.
తాను హీరోయిన్ గా చేసిన సమయంలో క్యాస్టింగ్ కౌచ్ ఉంటే ఉండొచ్చని, అయితే చిన్నతనం వలన విజయ విహారంతో తన సినిమాలు దూసుకు పోవటం వలననే దాని గురించి తనకు తెలియదని జయప్రద అన్నారు. దీని గురించి ఇప్పుడే ఎక్కువగా వినిపిస్తోందని చెప్పారు.
"మా టైంలో ఇలాంటివేమీ లేవు. స్కూల్ నుంచే నటించడం మొదలుపెట్టాం. ఆ తరవాత మేం చేసిన సినిమాలన్నీ మంచి విజయాలు సాధించాయి. పాత్రల కోసం వాళ్ల దగ్గరికి, వీళ్ల దగ్గరికి వెళ్లే అవసరమే రాలేదు" అని తన తోటి హీరోయిన్లను కూడా కలుపుకుని జయప్రద వివరణ ఇచ్చారు.
అయితే ప్రస్తుతం సినిమాల్లో నటించాలనే కోరిక చాలా మంది అమ్మాయిల్లో ఉందని, ముఖ్యంగా ముంబై నుంచి వందల కొద్ది అమ్మాయిలు సినిమా అవకాశాలకోసం దర్శక నిర్మాతల తలుపులు తడుతున్నారని చెప్పారు. దీని వల్ల కాస్టింగ్-కౌచ్ గురించి బయట ఎక్కువ మందికి తెలిసిందని వెల్లడించారు.
సినిమాలనే కెరీర్ గా ఎంచు కున్న అమ్మాయిలకు
ప్రస్తుత పరిస్థితు లు కూడా అనుకూలంగా
ఉన్నాయని తెలిపారు. ఒకప్పుడు తమ కూతుళ్లను సినిమాల్లోకి
పంపడానికి తల్లిదండ్రులు చాలా ఆలోచించేవారని, కానీ
ఇప్పుడు వాళ్లే దగ్గరుండి పంపిస్తున్నారని చెప్పారు. నటన లో శిక్షణ
కూడా ఇప్పిస్తున్నారని అన్నారు.
JayaPrada is considered as one of the most beautiful actresses that the industry has ever been blessed with.