తెలుగు, తమిళ భాషల్లో దర్శకులు మురగదాస్ అంటే ఎంత క్రేజ్ ఉందో అందరికీ తెలిసిందే. ఇక తమిళంలో సూపర్ స్టార్ రజినీకాంత్ తర్వాత ఆ రేంజ్ మాస్ ఫ్యాన్స్ ని సంపాదించిన హీరో విజయ్. తాజాగా తమిళ హీరో విజయ్, దర్శకుడు మురుగదాస్‌లకు తమిళనాడు ప్రభుత్వం నోటీసులు జారీ చేసింది. మురుగదాస్ దర్శకత్వంలో విజయ్ హీరోగా ‘సర్కార్’ సినిమా తెరకెక్కుతోంది.
ఈ సినిమాకు సంబంధించిన ఫస్ట్ లుక్ రిలీజ్ అయ్యింది. ఇందులో విజయ్ స్మోకింగ్ చేస్తూ కనిపించడాన్ని ప్రభుత్వం తప్పుపట్టింది. గతంలో మెర్సల్ సినిమా కూడా ఎన్నో వివాదాలకు తెర లేపింది. ఈ సినిమాలో డాక్టర్లను విమర్శించారని..జీఎస్టీ గురించి కూడా తప్పుగా మాట్లాడారని ఆరోపణలు వచ్చాయి. ఇక విజయ్ హీరోగా ‘సర్కార్’ సినిమా తెరకెక్కుతున్న ఈ పోస్టర్ లో స్మోకింగ్ చేస్తూ కనిపించడాన్ని ప్రభుత్వం పట్టిన విషయం తెలిసిందే. తమిళనాడు ఆరోగ్య శాఖ మంత్రి అన్బుమణీ రాందాస్ కూడా ఈ విషయాన్ని ట్విట్టర్ ద్వారా తెలియజేశారు.
‘‘హీరో విజయ్ తన తర్వాతి చిత్రం ఫస్ట్‌లుక్ పోస్టర్లో స్మోకింగ్‌ను ప్రమోట్ చేయడం సిగ్గుచేటు’’ అని ఆయన వ్యాఖ్యానించారు. ప్రభుత్వం నోటీసుల తర్వాత ఆ పోస్టర్‌ను వెనక్కి తీసుకుంటున్నట్లు చిత్ర నిర్మాతలు వెల్లడించారు. మహేష్ బాబును తమిళ ఇండస్ట్రీకి పరిచయం చేసేందుకు తెరకెక్కించిన ‘స్పైడర్’ సినిమా ఇరు భాషల్లో ఘోర పరాజయం చవిచూసిన సంగతి తెలిసిందే.
ఈ నేపథ్యంలో మురుగదాస్ ‘సర్కార్’ సినిమాతో హిట్ కొట్టేందుకు ప్రయత్నిస్తున్నారు. విజయ్, మురుగుదాస్‌ల కాంబినేషన్లో వచ్చిన ‘తుపాకీ’ సినిమా తెలుగులోనూ హిట్ కొట్టింది. ఈ నేపథ్యంలో ‘సర్కార్’ సినిమాపై కూడా భారీ అంచనాలే ఉన్నాయి.
