చైతుకి అత్తగా.. శైలజారెడ్డి పాత్రలో రమ్యకృష్ణ నటిస్తున్నారు. అవుట్ అండ్ అవుట్ ఎంటర్టైనర్గా తెరకెక్కుతున్న శైలజారెడ్డి అల్లుడుని వీలైనంత త్వరగా ప్రేక్షకుల ముందుకు తీసుకొచ్చేందుకు డైరెక్టర్ మారుతి యత్నిస్తున్నాడు. మరోవైపు చైతూ నటిస్తున్న సవ్యసాచి చిత్ర షూటింగ్ కూడా శరవేగంగా జరుపుకుంటోంది. తాజాగా ఈ చిత్ర ఫస్ట్ లుక్ ను రిలీజ్ చేశారు. పోస్టర్లో నాగచైతన్య డిఫరెంట్ లుక్ ఆకట్టుకునేలా ఉంది.
నాగార్జున కెరీర్లో సూపర్ హిట్ చిత్రాల్లో ‘అల్లరి అల్లుడు' ఒకటి. ఆ సినిమా స్థాయికి ఏ మాత్రం తగ్గకుండా ఆయన తనయుడు నాగ చైతన్య నటిస్తున్న ‘శైలజా రెడ్డి అల్లుడు' చిత్రం ఉంటుందని భావిస్తున్నారు. ఒకప్పుడు తెలుగులో అత్త-అల్లుడు సబ్జెక్టుతో వచ్చిన స్టోరీలు బాక్సాఫీసు వద్ద ఓ రేంజిలో పేలాయి. తర్వాత ట్రెండ్ మారడంతో ఇలాంటి కథలతో వచ్చే సినిమాలు తగ్గాయి.
చాలా కాలం తర్వాత మళ్లీ ఇలాంటి కాన్సెప్టుతో సినిమా వస్తుండటం, అత్తపాత్రలో పవర్ ఫుల్ గెటప్లో రమ్యకృష్ణ నటిస్తుండటంతో ఫుల్ లెన్త్ మాస్, కామెడీ ఎంట్రటైన్ మెంట్ లా ఉండబోతుందని ఫ్యాన్స్ భావిస్తున్నారు. ఈ సినిమాను ఆగస్ట్ 31న విడుదల చేయాలని దర్శక నిర్మాతలు భావిస్తున్నారు. ఈ నెలలోనే చైతు నటించిన సవ్యసాచి మూవీ కూడా రిలీజ్ కానుంది.
The first look of #ShailajaReddyAlludu as promised by @DirectorMaruthi who entertains me off screen as much as he is going to entertain you all onscreen .. always a pleasure working with @SitharaEnts , Anu Emmanuel .. Ramya Garu’s role is going to be something to watch out for! pic.twitter.com/r36FttKx9Z
— chaitanya akkineni (@chay_akkineni) July 9, 2018