దివంగత ముఖ్యమంత్రి వై.ఎస్.రాజశేఖరరెడ్డి బయోపిక్ ఆధారంగా తెరకెక్కుతున్న చిత్రం ‘యాత్ర’. ఈ చిత్రంలో రాజశేఖరరె డ్డి పాత్రను ప్రముఖ మలయాళ నటుడు మమ్ముట్టి పోషిస్తున్నారు. వైఎస్సార్ చేపట్టిన ‘ప్రజాప్రస్థానం’ పాదయాత్రను కథాంశంగా తీసుకుని ఈ సినిమాను తెరకెక్కిస్తున్నామని, అందుకే దీనికి ‘యాత్ర’ అనే టైటిల్‌ను పెట్టామని దర్శక నిర్మాతలు ఇప్పటికే వెల్లడించారు. వైస్. రాజశేఖర్ రెడ్డి జయంతిని పురస్కరించుకుని నిన్న ఈ సినిమా నుంచి టీజర్ ను రిలీజ్ చేశారు.
వైఎస్ఆర్ జన్మదినం సందర్భంగా ‘యాత్ర’జులై 8 అర్థరాత్రి 00.00.01 గంటలకు ఆయన పుట్టిన సమయానికే టీజర్‌ను విడుదల చేశారు. దాదాపు 54 సెకెండ్ల నిడివిగల ఈ టీజర్ అద్భుతమైన రెస్పాన్స్ వస్తుంది. యూ ట్యూబ్ లో కొన్ని గంటల్లోనే ఈ టీజర్ 10 లక్షలకి పైగా వ్యూస్ ను రాబట్టింది. అదే ఊపును కొనసాగిస్తూ ఇప్పుడు ఈ టీజర్ 12 లక్షలకి పైగా వ్యూస్ ను సొంతం చేసుకుంది. గూగుల్ ట్రెండ్స్ లోను ఈ టీజర్ ప్రముఖంగా నిలిచింది. ఇక ఫేస్ బుక్ .. వాట్సాప్ లలోను ఈ టీజర్ అదే జోరును కొనసాగించింది.
ఈ సినిమా టీజర్ కి ఈ స్థాయి రెస్పాన్స్ రావడం పట్ల యూనిట్ సభ్యులంతా ఫుల్ ఖుషీ అవుతున్నారు. ఈ సినిమా సంచలన విజయాన్ని సాధిస్తుందని చెప్పడానికి ఈ వ్యూస్ నిదర్శనమని చెప్పుకుంటున్నారు. వి. రాఘవ్ దర్శకత్వంలో తెరకెక్కుతోన్న ఈ చిత్రాన్ని 70ఎంఎం ఎంటర్‌టైన్మెంట్స్ పతాకంపై విజయ్ చిల్లా, శశి దేవిరెడ్డి నిర్మిస్తున్నారు. సంక్రాంతికి ఈ సినిమాను విడుదల చేయడానికి సన్నాహాలు చేస్తున్నారు.
మరింత సమాచారం తెలుసుకోండి:
ysr biopic
yatra movie
teaser
released
v raghavan
mammutty
ap political updates
telangana politics
telugu political news
latest news
latest ap updates
political news
indian politics
international news
national news
tollywood news
bollywood news
kollywood news
hollywood news
tollywood
latest film news
latest updates
