టాలీవుడ్ కింగ్ నాగార్జున - నేచురల్ స్టార్ నాని కలిసి దేవదాస్ సినిమాలో నటిస్తున్న విషయం తెలిసిందే. శ్రీరామ్ ఆదిత్య దర్శకత్వంలో వస్తున్న ఈ చిత్రం పేరు ‘దేవదాస్’. వైజయంతీ మూవీస్ బ్యానర్ పై అశ్వనీదత్ నిర్మిస్తోన్న ఈ సినిమా ఇప్పటికే కొంతవరకూ చిత్రీకరణను జరుపుకుంది. డాన్ గా నాగార్జున .. డాక్టర్ గా నాని నటిస్తోన్న ఈ సినిమాను సెప్టెంబర్ 27వ తేదీన విడుదల చేయనున్నట్టుగా నిన్ననే ప్రకటించారు.
ఇటీవల లీకైన నాగ్ డిఫరెంట్ గెటప్ స్టిల్ ఈ సినిమాలోనిదే అంటూ ప్రచారం జరుగుతుంది. అయితే.. అది ఈ మూవీలోదా కాదా అనేది తెలియాల్సి వుంది. అయితే ఈ సినిమాను విడుదల చేయడం వెనుక ఒక సెంటిమెంట్ ఉందనేది తాజా సమాచారం. గతంలో వైజయంతీ మూవీస్ బ్యానర్ పై నిర్మించబడిన 'స్టూడెంట్ నెంబర్ 1' సినిమా ఘన విజయాన్ని సాధించింది. అందువలన అదే సెంటిమెంట్ తో 'దేవదాస్'ను అదే రోజున విడుదల చేయాలని అశ్వనీదత్ నిర్ణయించుకున్నారట.
'జగదేకవీరుడు అతిలోక సుందరి' రిలీజ్ అయిన రోజునే 'మహానటి'ని రిలీజ్ చేసి ఆయన సక్సెస్ ను సాధించిన విషయం తెలిసిందే. దేవదాస్ అని టైటిల్ ఎనౌన్స్ చేసినప్పటి నుంచి ఈ ప్రాజెక్ట్ పైన మరింత క్రేజ్ పెరిగింది. మొత్తానికి సెంటిమెంట్ తో..అందులోనూ స్టార్ హీరోల కాంబినేషన్ ‘దేవదాస్’పై అభిమానులు భారీ అంచనాలే పెంచుకుంటున్నారు.