ఈ మద్య కొంత మంది సెలబ్రెటీలు చేస్తున్న వ్యాఖ్యలు పెను సంచలనాలు అవుతున్నాయి. ఆ సమయంలో వారు అంటున్న విషయాలు పెద్ద సీరియస్ గా తీసుకోకపోయినా..తర్వాత సోషల్ మీడియాలో పదే పదే రావడంతో అది కాస్త పెను దుమారం రేపుతున్నాయి. తాజాగా మళియాళ సూపర్ స్టార్ మమ్ముట్టిని ప్రముఖ దర్శకుడు అన్న మాటలు సోషల్ మీడియాలో వైరల్ అవుతున్నాయి. మమ్ముట్టి నటించిన ‘పెరాన్బు’ఆడియోను సోమవారం చెన్నైలో లాంచ్ చేశారు. భారీ ఎత్తున తరలి వచ్చిన అభిమానుల సమక్షంలో ఈ వేడుకను ఘనంగా నిర్వహించారు.
ఈ ఆడియో వేడుకకు తమిళ, మళియాళ సెలబ్రెటీలు విచ్చేశారు. ఈ సందర్భంగా తమిళ దర్శకుడు మిస్కిన్ మమ్ముట్టిని పొగిడే క్రమంలో వివాదాస్పద వ్యాఖ్యలు చేశారు. నేనే వయసులో ఉండి, మమ్ముట్టి అమ్మాయి అయితే తనను ప్రేమించే వాణ్ని అన్న మిస్కిన్.. అంతటితో ఆగకుండా మమ్ముట్టిని రేప్ చేసి ఉండే వాడిని అంటూ నోరు జారారు.
‘పెరాన్బు’సినిమాలో మమ్ముట్టి ఎంతో హ్యాడ్ సమ్ గా కనిపించాడని..నిజంగా అందరూ అతన్ని చూస్తుండి పోతారని అన్నారు. ఆయన నాకంటే చిన్నోడై, అమ్మాయి అయ్యుంటే తనతో ప్రేమలో పడేవాణ్ని..’ అంటూ మిస్కిన్ ప్రసంగం కొనసాగగా.. అక్కడున్న వారంతా నవ్వుకున్నారు. కానీ దర్శకులు మిస్కన్ మాట్లాడిన మాటలు మాత్రం కొంత మందికి అసహ్యం అనిపించాయట.
మమ్ముట్టి ఫ్యాన్స్ అభ్యంతరం వ్యక్తం చేస్తున్నారు. ఆయన అలా మాట్లాడి ఉండాల్సింది కాదని డైరెక్టర్ ఏఎల్ విజయ్ తెలిపారు. మమ్ముట్టిపై గౌరవాన్ని ఇలా చాటడం ఏంటని నెటిజన్లు ప్రశ్నిస్తున్నారు. మమ్ముట్టిని రేప్ చేసేవాణ్ని అనే మాటల్లో ఏం జోక్ ఉందని అక్కడున్న వారంతా నవ్వారంటూ ఫ్యాన్స్ ఫైర్ అవుతున్నారు.
