టాలీవుడ్ లో మంచు మోహన్ బాబు కూతురు మంచు లక్ష్మి "అనగనగా ఓ ధీరుడు" సినిమాతో ఎంట్రీ ఇచ్చింది. అయితే ఈ సినిమాలో ఆమెది నెగిటీవ్ రోల్. ఇండస్ట్రీకి హీరోయిన్ కావాలని వచ్చిన మంచు లక్ష్మి మొదటి సినిమా నెగిటీవ్ షేడ్స్ తో ఉండటంతో తర్వాత ఆమెపై పెద్దగా ఫోకస్ పడలేదు. తర్వాత కొన్ని క్యారెక్టర్ పాత్రల్లో నటించిన ఆమె తర్వాత లేడీ ఓరియెంటెడ్ పాత్రల్లో నటిస్తూ వస్తుంది. ఓ వైపు సినిమాల్లో నటిస్తూనే..టివిల్లో యాంకర్ గా వ్యవహరిస్తున్నారు. ఈ శుక్రవారం మంచు లక్ష్మి ప్రధాన పాత్రలో నటించిన ‘వైఫ్ ఆఫ్ రామ్’ సినిమా రిలీజ్ కాబోతుంది.
థ్రిల్లర్ జానర్‌లో వినూత్న కథాంశంతో తెరకెక్కిన ఈ మూవీ ట్రైలర్, టీజర్‌లు ఆసక్తిగా ఉండటంతో మంచి అంచనాలు ఏర్పడ్డాయి. ఇక ఈ మూవీ ప్రమోషన్స్‌లో పాల్గొన్న మంచులక్ష్మి ఈ మూవీని ప్రమోట్ చేస్తూనే తనపై సోషల్ మీడియాలో వస్తున్న నెగిటివ్ ట్రోలింగ్స్‌పై ఫైర్ అయ్యారు. కొంత కాలంగా తనపై రక రకాల కామెంట్స్ వినిపిస్తున్నాయని..నా డ్రెస్ గురించి, మా మాట గురించి కామెంట్స్ చేయండి వాటిని పెద్దగా పట్టించుకోను. కానీ నా పర్సనల్ లైఫ్ కి సంబంధించిన విషయాల్లో లేనిపోని రచ్చ చేస్తున్నారు.
నా కుటుంబ ప్రతిష్ఠను భంగం కలిగించేవిగా ఉంటే మాత్రం సహించేది లేదు. కావాలని కొంతమంది ఫోటోలను మార్ఫింగ్ చేసి మరీ దారుణంగా ట్రోల్ చేస్తున్నారు. ఇలాంటి వాళ్లను చెప్పుతో కొట్టాలనిపిస్తుంది. నా ఇంటి గురించి, నా గురించి, నా ఫ్యామిలీ గురించి మీకు ఏం తెలుసని మీ ఇష్టం వచ్చినట్లు ట్రోల్ చేస్తున్నారు. అంత ధైర్యం ఉంటే ఎదురుగా వచ్చి మాట్లాడాలి. అంతేకాని చేతిలో ఫోన్ ఉంది కదా అని ఇష్టం వచ్చినట్లు ఊరుకునే పరిస్థితి లేదు.
అలాంటి నీచులను చంపాలనిపిస్తుంది..ఎందుకంలో ఒకరి వ్యక్తిగత విషయాల్లో జోక్యం చేసుకుంటే ఎంత బాధ ఉంటుందో అలాంటి మూర్ఖులకు తెలియదని ఆవేదన వ్యక్తం చేసింది. మా నాన్న, తమ్ముళ్లు, నేను సినిమాల పరంగానే కాకుండా సమాజ సేవలో కూడా భాగస్వామ్యం అవుతూ ఎంతో కొంత సోషల్ సర్వీస్ చేస్తున్నాం. ఇతరుల జీవితాల గురించి విమర్శించే ముందు తమని తాము ప్రశ్నించుకోవాలంటూ తనదైన శైలిలో క్లాస్ పీకింది మంచు లక్ష్మి.
