సోనాలీ బింద్రే టాలీవుడ్ బాలీవుడ్ లో నటించి చాలా మంది అభిమానులను సంపాదించింది. అయితే ఈ హీరోయిన్ కాన్సర్ బారిన పడిన సంగతీ తెలిసిందే. అయితే కాన్సర్ బారిన పడిన సోనాలీ ధైర్యంగా క్యాన్సర్ ను ఎదుర్కొంటుంది. ఎప్పటికప్పుడు తన ఆరోగ్యం గురించి అభిమానులకు సోషల్ మీడియా వేదికగా తెలియజేస్తుంది. అయితే సోనాలీ తాజాగా పెట్టిన పోస్ట్ గుండెలను పిండేస్తుంది.
తాజాగా సోనాలి బింద్రే తన కుమారుడితో కలిసి వున్న ఫొటోని సోషల్ మీడియాలో షేర్ చేస్తూ, తనకు క్యాన్సర్ సోకిన విషయం గురించి తన కుమారుడికి తెలిశాక, అతనెలా రియాక్ట్‌ అయ్యాడన్న విషయాన్నీ వివరంగా పేర్కొంది. 'పిల్లలకి అన్ని విషయాల గురించీ తెలిసేలా చెయ్యాలి.. అది చిన్నప్పటినుంచే చేస్తే మంచిది. నేను ఊహించలేదు, ఇంత మెచ్యూర్డ్‌గా వుంటాడని. నాకే ధైర్యం చెబుతున్నాడిప్పుడు..' అంటూ సోనాలి కుమారుడి గురించి చెప్పుకొచ్చింది.
ఇదిలా వుంటే, క్యాన్సర్ చికిత్సకు సంబంధించి పూర్తి అవగాహన ముందే ఏర్పరచుకోవడంతో, ఇప్పుడు ఆ చికిత్స అంత కష్టంగా అనిపించడంలేదంటోన్న సోనాలి, క్యాన్సర్ నుంచి పూర్తిగా కోలుకుంటాననే ధీమా వ్యక్తం చేస్తోంది. 'నాకు సోకిన క్యాన్సర్ చాలా సీరియస్‌ అని తెలుసు. ధైర్యంగా ముందడుగు వేశాను. క్యాన్సర్ చికిత్సలో ఏ దశలోనూ ధైర్యం కోల్పోకుండా వుండేందుకు నాకు నా కుటుంబ సభ్యుల నుంచి, సన్నిహితుల నుంచీ సంపూర్ణ మద్దతు లభిస్తోంది.. వారిచ్చే ధైర్యమే నేను క్యాన్సర్‌ని జయించేలా చేస్తుంది..' అని సోనాలి చెబుతోంది.
