ఈ సంవత్సరం సమంత అక్కినేని కి గోల్డెన్ టైమ్ నడుస్తుందనే చెప్పాలి.  ‘ఏం మాయ చేసావే’ సినిమాతో టాలీవుడ్ ఎంట్రీ ఇచ్చిన సమంత తన సహనటుడు అక్కినేని నాగచైతన్య ప్రేమించి పెళ్లి చేసుకున్న విషయం తెలిసిందే.  అయితే సమంత వివాహం తర్వాత సినిమాల్లో నటించదని అనుకున్నారు..కానీ వివాహానంతరం ‘రంగస్థలం’, ‘అభిమన్యుడు’ లాంటి బ్లాక్ బస్టర్ సినిమాల్లో నటించి తన క్రేజ్ మరింత పెంచుకుంది.  ప్రస్తుతం సమంత పలు భారీ ప్రాజెక్టులతో బిజీగా ఉంది. సామ్ చేస్తున్న తాజా చిత్రం ‘యూ టర్న్’. ఈ మూవీ ఫస్ట్‌లుక్ ఆదివారం విడుదలైంది. సమంత తన ట్విట్టర్ ఖాతా ద్వారా ఈ ఫస్ట్‌లుక్ పోస్టర్ ను అభిమానులతో పంచుకుంది.
Image result for samantha mahanati
ఈ పోస్టర్ లో సమంత డిఫరెంట్ లుక్ లో చాలా సీరియస్ గా కనిపిస్తుంది.  మొదటి నుంచి ఈ సినిమాపై అంచనాలు పెంచుతూ వస్తున్న విషయం తెలిసిందే.  తాజాగా రిలీజ్ అయిన యూటర్న్ ఫస్ట్ లుక్  పోస్టర్ మూవీపై అంచనాలను భారీగా పెంచేసింది. శ్రీనివాస సిల్వర్ స్క్రీన్ బ్యానర్‌పై కన్నడ దర్శకుడు పవన్ కుమార్ దర్శకత్వంలో ఈ చిత్రం తెరకెక్కుతుంది. ఈ మూవీలో సమంత ఇన్వెస్టిగేషన్ జర్నలిస్ట్ పాత్రలో నటిస్తుంది.
Related image
ఆది పినిశెట్టి, భూమిక చావ్లా ఇతర ప్రధానపాత్రల్లో కనిపించనున్నారు. తెలుగు, తమిళం రెండు భాషల్లో ఒకేసారి సెప్టెంబర్ 13న సినిమా విడుదల కానుంది. ట్విస్ట్ ఏంటంటే..ఈ మద్య సావిత్రి బయోపిక్ ‘మహానటి’ సినిమాలో కూడా సమంత జర్నలిస్టు పాత్రలో నటించిన విషయం తెలిసిందే.  మహానటి సినిమాలో జర్నలిస్ట్ పాత్రకు మంచి ఆదరణ లభించింది.  ఇప్పుడు యూటర్న్ లో జర్నలిస్ట్ పాత్రపై అంచనాలు పెరుగుతున్నాయి. 

మరింత సమాచారం తెలుసుకోండి: