టాలీవుడ్ లో కొత్త నటులతో కొత్త దర్శకుడు తీసిన సినిమా ‘ఆర్ఎక్స్ 100’. రిలీజ్ అయిన మొదటి రోజు పాజిటీవ్ టాక్ తెచ్చుకున్న ఈ సినిమా తర్వాత రోజు నుంచి కలెక్షన్ల వర్షం కురిపించ సాగింది. చిన్న సినిమాగా వచ్చి పెద్ద సినిమా రేంజ్ లో కలెక్షన్స్ వసూలు చేస్తూ సినీవర్గాలకు గట్టి షాకిస్తుంన్న సినిమా “ఆర్ఎక్స్ 100“. వర్మ శిశ్యుడు అజయ్ భూపతి దర్శకత్వంలో జూలై 12న విడుదలయిన ఈ సినిమాలో కార్తికేయ , పాయల్ రాజ్ పుత్ హీరో హీరోయిన్స్ గా నటించారు. హీరోయిన్ తనదయిన గ్లామర్ మరియు రొమాన్సు లతో రెచ్చిపోయింది.
సినిమా విడుదలకు ముందు నుండే బారి అంచానాలు నెలకోనగా విడుదల తరువాత ఎవరూ ఊహించని విధంగా దిమ్మతిరిగే కలెక్షన్స్ వసూలు చేసింది. ఈ సినిమాతో పాటు రిలీజ్ అయిన విజేత, చినబాబు సినిమాలకు చుక్కలు చూపించింది. గత వారం విడుదలైన లవర్, వైఫ్ ఆఫ్ రామ్, పరిచయం, ఆటగదరా శివ సినిమాలు ఫ్లాప్ అయ్యేసరికి మళ్లీ ‘ఆర్ఎక్స్ 100’ మళ్లీ పుంజుకుంది.
కేవలం 2 కోట్ల అతితక్కువ బడ్జెట్ తో రూపొందిన ఈ చిత్రం అంతకు 10 రేట్లు వసూళ్లు సాధించేలా కనిపిస్తోంది. ఈ 11 రోజుల్లో ‘ఆర్ఎక్స్ 100’ అనూహ్యంగా 10 కోట్లను ప్రపంచ వ్యాప్తంగా సొంతం చేసుకుంది. మరి లోబడ్జెట్ లో తెరకెక్కిన ‘ఆర్ఎక్స్ 100’ ఇలా రెండింతల లాభాలతో అదరగొట్టే కలెక్షన్స్ తో ఇప్పటికీ దూసుకుపోతుంది.
