తెలుగులో వస్తున్న బిగ్ బాస్ 2 సీజన్ మొదట్లో పేలవంగా సాగినా..రాను రాను టీమ్ సభ్యులు చేస్తున్న సందడితో ఆకట్టుకుంటుంది. ముఖ్యంగా శని, ఆదివారాల్లో నాని రావడం..ఏదో ఒక పిట్టకథ చెప్పడం..చివరికి ఒకరిని ఎలిమినేట్ చేయడం జరుగుతుంది. అయితే ఇప్పటి వరకు బిగ్ బాస్ 2 నుంచి సంజన, నూతన్ నాయుడు, కిరీటి, యాంకర్ శ్యామల,భానుశ్రీ గత ఆదివారం తేజస్వి ఎలిమినేట్ అయ్యారు. అయితే ఎలిమినేషన్ చేసేది మాత్రం నెటిజన్ల చేతిలో ఉంటుందని..బిగ్ బాస్ హౌజ్ లో సభ్యులు ఎంతబాగా వర్క్ ఔట్ చేస్తే ప్రజల మన్నలు పొందుతారని నాని అంటున్నారు.
తాజాగా బిగ్ బాస్ నుంచి ఎలిమినేట్ అయిన యాంకర్ శ్యామల పలు ఛానల్స్ లో ఇంటర్వ్యూలు ఇస్తున్నారు. అంతే కాదు ఈ వారం ఓ ప్రత్యేకత ఉంది. ఇప్పటి వరకు ఎలిమినేట్ అయిన వారు ఓటింగ్ ద్వారా తిరిగి మళ్లీ బిగ్ బాస్ లోకి ఎంట్రీ కావొచ్చు..ఈ నేపథ్యంలో ఎలిమినేట్ అయిన ప్రతి సభ్యులు తమకు ఓటింగ్ వేయమని ప్రేక్షకులను అడుగుతున్నారు.
తాజాగా ఓ ఇంటర్వ్యూలో యాంకర్ శ్యామల మాట్లాడుతూ..ఈ షోకి నాని హోస్టింగ్ ఎలా ఉందనే ప్రశ్న సమాధానం ఇచ్చింది. ఎన్టీఆర్ .. నానీలను ఒకరితో ఒకరిని పోల్చలేం .. ఎవరి స్టైల్ వారిది. నానికి నాచురల్ స్టార్ అనే పేరుంది .. ఆయన యాంకరింగ్ కూడా చాలా నాచురల్ గానే వుంది. అయితే ఇప్పటి వరకు నానిని చాలా వరకు మాస్ లుక్స్ తో చూశాం..కానీ బిగ్ బాస్ లో చాలా హుందాగా సూటు, బూటు తో రావడం కొత్తగా అనిపిస్తుంది.
అయినా కూడా పక్కింటబ్బాయిలానే బాగున్నాడని అనిపించింది .. ఆ తరువాత అలవాటు పడిపోయాను. లుక్స్ విషయంలో తప్ప ఆయనలో మరెలాంటి మార్పు లేదనేది నా ఫీలింగ్. ఆయనకి కోపం వస్తే తిడుతున్నారు .. నచ్చితే మెచ్చుకుంటున్నారు" అంటూ చెప్పుకొచ్చింది.
