ఈ మద్య హైదరాబాద్ లో ఎంతో మంది డ్రంక్ అండ్ డ్రైవ్ కేసులో పట్టుబడుతున్నారు. సామాన్యులు పట్టుబడితే పెద్ద విశేషం ఏమీ ఉండదు..కానీ కొంత కాలంగా డ్రంక్ అండ్ డ్రైవ్ కేసులో సెలబ్రెటీలు, బడా వ్యాపారుల, డాక్టర్లు సైతం పట్టుబడుతున్నారు. దాంతో వారికి కౌన్సిలింగ్ ఇచ్చి పంపిస్తున్నారు. ఆ మద్య బుల్లితెర యాంకర్ ప్రదీప్ డ్రంక్ అండ్ డ్రైవ్ పట్టుబడ్డ విషయం తెలిసిందే. ఈ తతంగం ఎంతో సీరియస్ అయ్యింది..నెల రోజులు సాగిన డ్రామాకు కోర్టులో హాజరై ఇక నుంచి ఇలాంటి పనులు చేయనని చెప్పాడు యాంకర్ ప్రదీప్.
ఇలా ఎంతో మంది నటీ,నటులు డ్రంక్ అండ్ డ్రైవ్ పట్టుబడుతున్నా వీరి తీరు మాత్రం మారడం లేదు. తాజాగా జూబ్లిహిల్స్‌లో శుక్రవారం అర్ధరాత్రి తెలుగు సింగర్ రాహుల్ సిప్లిగoజ్ డ్రంక్ డ్రైవ్‌లో పట్టుబడ్డారు. పోలీసులు బ్రీత్‌ ఎనలైజర్‌తో చెక్‌ చేస్తే 175 ఎంజీ వచ్చింది. అయితే తాను తాగలేదని ట్రాఫిక్ పోలీసులతో వాగ్వాదానికి దిగారు.
ఆ సమయంలో యాంకర్, నటుడు లోబో కూడా రాహుల్‌తో ఉన్నారు. పూర్‌ గర్ల్, మంగమ్మ, మాక్కికిరికిరీ, గల్లీకా గణేష్‌ వంటి ప్రైవేట్‌ ఆల్బమ్‌లతో రాహుల్ మంచి గుర్తింపుతెచ్చుకున్నారు. ఇటీవలే రంగస్థలం టైటిల్ సాంగ్‌ కూడా రాహుల్ సిప్లిగంజ్ పాడారు. లైసెన్స్‌ కూడా లేకుండానే రాహుల్ సిప్లిగంజ్ కారు నడిపినట్టు తెలుస్తోంది.
