తెలుగు సినిమా చరిత్రలోనే మొట్టమొదటిసారిగా అసిస్టెంట్ డైరెక్టర్స్ తమ చిత్ర ఫస్ట్ లుక్‌ని రిలీజ్ చేశారు. ‘వీరభోగ వసంత రాయలు’ సినిమాలోని శ్రీవిష్ణు లుక్‌ని ఆ చిత్రానికి పనిచేసిన అసిస్టెంట్ డైరెక్టర్స్ రిలీజ్ చేశారు. ఈ స్టన్నింగ్ లుక్‌లో శ్రీవిష్ణు కూల్‌గా కనిపించాడు. శ్రియ కల్ట్ లుక్, నారా రోహిత్ మెనాసింగ్ లుక్ , శ్రీ విష్ణు స్టైలిష్ లుక్ చూస్తుంటే సినిమాపై రోజు రోజుకి అంచనాలు పెరిగిపోతున్నాయి.. ఇంకా ఈ సినిమాలో మరో ప్రధాన పాత్రలో నటిస్తున్న సుధీర్ బాబు లుక్ రివీల్ కావాల్సి ఉంది.
ఈ లుక్ సినిమా హైప్ ని పెంచేలా ఉంటుందని అంటున్నారు..క్రైమ్ థిల్లర్ గా వస్తున్న ఈ సినిమాకి ఇంద్రసేనా ఆర్ దర్శకత్వం వహించగా మార్క్ కే రాబిన్ సంగీతం సమకూరుస్తున్నారు. బాబా క్రియేషన్స్ బ్యానర్ పతాకంపై అప్పారావు బెల్లనా ఈ చిత్రాన్ని నిర్మిస్తున్నారు. డిఫరెంట్ గెటప్‌లో ఉన్న శ్రీవిష్ణు పోజునే ఫస్ట్‌లుక్‌గా విడుదల చేశారు. సినిమా టైటిల్‌కు తగ్గట్టుగా.. ఫాంటసీ లుక్‌ను విడుదల చేశారు.
పొడవాటి జుట్టు, గడ్డంతో హీరో రాయల్ లుక్‌కు తోడు పక్కనే ఉన్న గుర్రం తో పోస్టర్ డిజైనింగ్ ఆసక్తిదాయకంగా మారింది. ఈ సెటప్ అంతా ఫాంటసీ లుక్ తీసుకొచ్చింది. నారా రోహిత్, శ్రియా శరణ్ , సుధీర్ బాబు, శ్రీ విష్ణు, శ్రీనివాసరెడ్డి, మనోజ్ నందన్, శశాంక్, రవి ప్రకాష్, నవీన్ నేని, చరిత్ మానస్, స్నేహిత్ , ఏడిద శ్రీరామ్, గిరిధర్, అనంత ప్రభు, రాజేశ్వరి, అశ్వితి నటిస్తున్నారు.
సాంకేతి నిపుణులు :
దర్శకుడు: ఇంద్రసేన ఆర్
నిర్మాత: అప్పారావు బెల్లన
బ్యానర్: బాబా క్రియేషన్స్
సంగీతం: మార్క్ కె రాబిన్
డీఓపీ : S వెంకట్
ఆర్ట్ డైరెక్టర్: శ్రీకాంత్ రమిశెట్టి
ఎడిటర్ : శశాంక్ మాలి
యాక్షన్ : రామ్ సుంకర
పబ్లిసిటీ డిజైన్ : అనిల్-భాను
