టాలీవుడ్ మాటల మాంత్రికుడు త్రివిక్రమ్ శ్రీనివాస్, యంగ్ టైగర్ ఎన్టీఆర్ కాంబినేషన్ లో వస్తున్న సినిమా ‘అరవింద సమేత వీర రాఘవ ’. వరుస విజయాలతో దూసుకు పోతున్న ఎన్టీఆర్ ని త్రివిక్రమ్ శ్రీనివాస్ ఎలా చూపించబోతున్నాడో అని అభిమానులు ఎంతో ఉత్కంఠంగా ఎదురు చూస్తున్నారు. అయితే ఈ మద్య కొన్ని లీక్ లను బట్టి చూస్తుంటే..ఈ సినిమాలో ఎన్టీఆర్ రెండు రకాల పాత్రలు పోషిస్తున్నట్లు అర్ధం అవుతుంది. త్రివిక్రమ్ దర్శకత్వంలో తెరకెక్కుతున్న ఈ చిత్రం రాయలసీమ నేపథ్యంలో రూపొందుతున్న విషయం తెలిసిందే .
ఫస్టాఫ్ అంతా కాలేజీ వాతావరణం..హ్యాపీ మూవ్ మెంట్ తో రన్ అయితే..సెకండ్ ఆఫ్ అంతా వైలెంట్..ఎమెషన్స్ ఉంటాయని టాక్. ఇప్పటికే ఎన్టీఆర్ ఫ్యాక్షన్ తో పోరాడిన తాలూకు స్టిల్ సంచలనం సృష్టించిన విషయం తెలిసిందే . ఇప్పటికే 70 శాతం కు పైగా షూటింగ్ పూర్తిచేసుకున్న అరవింద సమేత వీర రాఘవ చిత్రాన్ని దసరా కానుకగా అక్టోబర్ 10 న భారీ ఎత్తున విడుదల చేయడానికి సన్నాహాలు చేస్టున్నారు . ఎన్టీఆర్ సరసన పూజా హెగ్డే , ఈషా రెబ్బా నటిస్తుండగా కీలక పాత్రల్లో జగపతిబాబు , నాగబాబు లు నటిస్తున్నారు.
స్వాతంత్య్ర దినోత్సవ సందర్భాన్ని పురస్కరించుకొని టీజర్ ని రిలీజ్ చేయనున్నారు. ప్రస్తుతం భువనగిరి పరిసర ప్రాంతాల్లో షూటింగ్ జరుపుకుంటున్న ఈ సినిమా పై ఎన్టీఆర్ , త్రివిక్రమ్ లతో పాటుగా ఎన్టీఆర్ ఫ్యాన్స్ కూడా ఎన్నో ఆశలు పెట్టుకున్నారు.
టీజర్ తో ఫ్యాన్స్ ని సంతోషంలో ముంచెత్తడానికి సన్నాహాలు చేసున్నారట . ఆగస్టు 14 సాయంత్రం లేదా ఆగస్టు 15 ఉదయం టీజర్ ని విడుదల చేయనున్నారు అరవింద సమేత వీర రాఘవ చిత్ర యూనిట్.