గ్లోబల్ స్టార్ ప్రియాంక చోప్రా క్వాంటికో అమెరికన్ టీవీ సిరీస్ ద్వారా హాలీవుడ్లోకి అడుగుపెట్టిన ప్రియాంక సక్సెస్ ఫుల్గా మూడు సిరీస్లు పూర్తి చేసింది. అలెక్స్ పారిష్ అనే పాత్రలో ప్రియాంక కనపించగా, తన నటనకి ప్రతిష్టాత్మక పీపుల్ ఛాయిన్ అవార్డు లభించింది. అయితే క్వాంటికో మూడో సిరీస్ కూడా పూర్తి కావడంతో తన ట్విట్టర్ ద్వారా భావోద్వేగ పోస్ట్లు పెట్టింది ప్రియాంక. ఈ సిరీస్ లో అలెక్స్ పారిష్ పాత్రలో నటించి, మెప్పించిన ప్రియాంకకు పీపుల్స్ చాయిస్ అవార్డు కూడా లభించిన సంగతి తెలిసిందే.
క్వాంటికో సిరీస్ పూర్తి అయిందని, భావోద్వేగంతో తాను అలెక్స్ పారిష్ పాత్రకు గుడ్ బై చెబుతున్నానని ప్రియాంక తాజాగా వ్యాఖ్యానించింది. నా కోసం ప్రతి వారం ఎంతో ఇష్టంగా మీ హృదయాలని ఓపెన్ చేసినందుకు ధన్యవాదాలు. ఎన్నో మధురానుభూతుల మిగిల్చిన క్వాంటికో బృందానికి ప్రత్యేక కృతజ్ఙతలు. మీతో కలిసి పనిచేయడం చాలా ఆనందాన్ని ఇచ్చింది అని టీంతో కలిసి దిగిన ఫోటోలని షేర్ చేసింది ప్రియాంక.
ఇక త్వరలో నిక్ జోనాస్ని వివాహం చేసుకోనున్న ప్రియాంకా పెళ్లి తర్వాత హిందీలో ఫర్హాన్ అక్తర్కు జోడీగా ‘ది స్కై ఈజ్ పింక్’ అనే చిత్రం చేయనున్నట్టు సమాచారం. అయితే మరో హాలీవుడ్ చిత్రం ‘ఇజింట్ ఇట్ రొమాంటిక్’ విడుదలకి సిద్ధం కాగా, ఏ కిడ్ లైక్ జేక్ చిత్రం సెట్స్ పై ఉంది. మిషెల్ మెక్ లారెన్ దర్శకత్వంలో ‘కౌబాయ్ నింజా వైకింగ్’ అనే పేరుతో ఓ హాలీవుడ్ మూవీ రూపొందనుంది.
మొత్తానికి ప్రియాంక కు క్వాంటికో ద్వారా ఎక్కడలేని పేరు ప్రఖ్యాతలు వచ్చాయి. ఒక బాలీవుడ్ నటి హాలీవుడ్ లో ఈ రేంజ్ లో పేరు తెచ్చుకోవడం ప్రియాంక కే చెల్లింది. ఈ టీమ్ తో కలిసి పని చేయడం చాలా సంతోషాన్నిచ్చిందని చెబుతూ వారితో కలిసి దిగిన ఫోటోలను తన ఫ్యాన్స్తో షేర్ చేసుకుంది.